Ўзбекистон республикаси қурилиш вазирлиги ўзбекистон республикаси олий ва ўрта махсус таълим вазирлиги мирзо улуғбек номидаги

Иқлимий шарт-шароитлар ҳудуднинг умумиқлимий тавсифномасини ўз ичига олади. Бу тавсифнома асосида қурилиш, қишлоқ хўжалиги ва оммавий дам олиш учун ҳудудни туманлаштириш амалга оширилади. Умумиқлимий ҳолатни тавсифлаганда барча иқлимий кўрсаткичлар: қуёш радиацияси, температура, ёғинлар, намлик, шамол ҳисобга олинади. Туманни режалаштириш лойиҳаларини ишлаб чиқишда ҳудуднинг микроиқлимий хусусиятларига алоҳида эътибор бериш лозим.
Қурилиш-иқлимий шарт-шароитлар иқлимнинг қурилиш учун қулайлигини аниқлайди. Энг муҳим аҳамиятга эга кўрсаткичларга: 0⁰ С дан ўтишининг қайталаши, тупроқларнинг музлаш чуқурлиги, шамолларнинг асосий йўналишлари, ҳавонинг максимал ва минимал температуралари, ёғинларнинг мавсумийлиги ва интенсивлиги, ҳавонинг нисбий ва абсолют намлиги кабилар киради.
Физиологик-иқлимий шарт-шароитлар таҳлили йилда қуёшли кунлар давомийлиги, шамол тезлиги (3 м/с ва 5 м/с, штиль даврининг давомийлиги), ўртача йиллик ҳавонинг нисбий намлиги, ҳамда температураси 15⁰ С ва ундан юқори (ёзда) ҳамда -10⁰ С ва паст (қишда) кунлар, қулай кунлар қайтарилиш сони, об-ҳаво режимининг контрастлиги, ўртача ҳаво ҳароратининг суткалик етакчи амплитудаларини ўз ичига олади.
Агроиқлимий баҳолаш ҳудуднинг иссиқлик ва намлик билан таъминланганлик тавсифномасини, экстремал об-ҳаво шароитларини ҳисобга олган ҳолда, ўз ичига олади. Иссиқлик режими қишлоқ хўжалик экинларининг вегетация давридаги актив ҳароратлар суммаси (ўрта кенглик - 10⁰ С дан юқори ҳароратлар суммаси, субтропик кенглик - 15⁰ С дан ошиқ), вегетация давридаги абсолют min ва max ⁰С, музлатадиган ва қурғоқчил кунлар қайталаши давомийлиги билан тавсифланади. Намлик билан таъминланганлик ўсимликларнинг риожланиш давридаги иссиқлик ва намликнинг нисбати орқали аниқланади. Бундан ташқари ёғинларнинг тавсифи, уларнинг давомийлиги ва қисқа муддат ичидаги максимал катталигини ҳисобга олмоқ лозим. Туманнинг агроиқлимий потенциалини аниқлашда қум бўронлари, дўл кўринишидаги ёғинлар, довуллар ва бошқа табиий омилларни ҳисобга олмоқ лозим. Юқоридаги иқлимий омилларни ўрганиш асосида агроиқлимий туманлаштириш ўтказилади. Агроиқлимий шароитларни ўрганишни “Агроиқлимий ресурслар” ахборотномаси орқали амалга ошириш мумкин.