Ўзбекистон республикаси қурилиш вазирлиги ўзбекистон республикаси

Ёғочли мозаика. Ўхшатиб пардозлаш теқстураси босма усулда безак берилиши ҳам мумкин. Ёғочни мозаика услубида пардозлашнинг ўзи ноёб (оригинал) усулдир, лекин бир жинсли ёки турли ашё заррачаларидан тайёрланадиган нақшли безак бериш ёки ўймакорлиқ кўп мехнат талаб этади.
Ёғочли мозаиканинг кўп тарқалган турларига – инкрустация, интарсия, маркетри, блоқли мозаика киради. Инкрустация бу безакли текстурага эга бўлган ёғоч юзасидан маълум шаклларни қирқиб полбоб плита юзасига ёпиштиришдир. Инкрустация жараёни мураккаб ва кўп меҳнат талаб қилади. Ёғочни ёғоч билан инткрустация қилиш интарсия деб юритилади. Бунда пардозланаётган юза автоматик равишда ўзи қирқувчи асбоб ёрдамида ўйилади ва тайёрланган ёғоч пластинка ўйилган юзага елим билан ёпиштирилади. Унинг юза қисми силлиқланади ва жило берилади.
Мозаика учун ишлатиладиган шпон бўлаги маркетри деб аталади. Марқетри усулида иш бажарилаётганда шпон фони танланади, унга елимланган қоғоз қопланади ва у пардозланаётган буюм юзасига ёпиштирилади.
Б локли мозаиканинг асосини яратишда берилган расм бўйича блоклар елимланади. Кейин блоклар кўндаланг кесими бўйича қирқилади. Олинган пластинкалар ёғоч буюмлар юзасига елимланади. Уларнинг турли кўринишларига ёғоч ўймакорлиги киради ва теқис юза фони қирқилиши натижасида ўйилган турли шакллар ҳосил бўлади.
ОСБ плиталари. ОСБ, OСB, ОСП – ёғоч қипиқларидан тайёланган плиталар. OСB плиталари майда ёғоч бўлаклари ва пайрахадан катта босим ва ҳарорат остида, сувга чидамли елим ишлатилган ҳолда тайёрланади.


9.10 - расм. ОСП плиталари

Улар аввал қурилиш ашёси сифатида ишлаб чиқарилган бўлса, ҳозирги пайтда мебеллар тайёрлашда муҳим ашё бўлиб ҳисобланмоқда. OСB плитасининг юқори чидамлилиги махсус технологиялар орқали эришилади. Юпқа, узун қириндилар бир неча қатламда жойланади, ташқи қатлам бўйламасига, ички қатлам эса кўндаланг ҳолда бўлади. OСB плиталари ишлаб чиқаришда игнабаргли дарахтлар ёки тоғ тераги ишлатилади. Ишлатиладиган пайраҳаларнинг ўлчамлари қуйидагича бўлиши мумкин: қалинлиги 0,5 -0,9 мм, эни 6-40 мм, узунлиги 180 ммгача. Узунлиги ва эни мос равишда 3:1,4:1 ва 6:1 мм да бўлиши ҳам мумкин. Уларнинг ўзига хос жойлашиши ашёнинг бўйлама тарздаги ҳамда букланиш қисмларининг мустаҳкамлигини таъминлайди