Ўзбекистон республикаси қурилиш вазирлиги ўзбекистон республикаси

Тасмасимон плинтуслар 
Тасмасимон плинтуслар ҳам ПВХдан тайёрланади, бироқ улар пластик плинтуслардан эластиклик хусусияти билан фарқ қилади. Улар монтаж жараёнларида турли мураккабликдаги монтаж ишларини бажаришда қулайликлар туғдиради. Масалан, арка, устун ва шу каби элементларнинг чокларини монтаж қилишда.
Тасмасимон плинтусларнинг эластиклик хусусияти, унинг молекуляр тузилиши билан боғлиқдир.
Шип учун мўлжалланган плинтуслар
Бундай плинтуслар юқори сифатли ПВХдан тайёрланади. Уларнинг галтель деб ҳам атайдилар. Шип учун мўлжалланган плинтуслар девор ва шип орасидаги чокларни монтаж қилишда ишлатилади. Барча турдаги замонавий интерьерларнинг дизайнини бойитади.
Ковролин учун мўлжалланган плинтус
Ковролин учун мўлжалланган плинтусларнинг асосий вазифаси гилам тўшамаси билан девор орасидаги чокларни ёпишдан иборат. Улар ҳам ПВХдан тайёрланади. Агар улар қовурғали кўринишда тайёрланган бўлса, бурама михлар ёрдамида ёки қовурғасиз қилиб тайёланган бўлса, елимлар ёрдамида монтаж қилинади.
7.5. Ялтироқ тортиб ўрнатиладиган пардали шиплар
Ялтироқ тортиб ўрнатиладиган пардали шиплар (7.3. - расм) катта самара берадиган инсонларни ўзига жалб қиладиган интерьер элементи ҳисобланади. Ялтироқ фактуралар хона дизайнида ҳажмли кўринишларни пайдо қилади.

7.3. - расм Ялтироқ тортиб ўрнатиладиган пардали шиплар

Унинг бу хусусиятлари юқоридаги расмда кўрсатилган кўзгудаги акслар каби намоён бўлади. Бу хусусиятдан фойдаланган ҳолда хонанинг ҳажмий кўринишини катталаштириб ва шипларни баланд қилиб кўрсатиш мумкин.

Уларни турар-жой биноларининг хоналарида, кафе, бар, клуб ёки ресторан интерьерларида қўллаш катта самара беради. Кўпинча, улардан мусиқа ёзиш студиялари ва кино театр биноларини безатишда фойдаланилади.
Днепропетровскдаги OKNAVIK компаниясининг тортиб ўрнатиладиган пардали шиплари жуда кўп афзалликларга эга. Уларнинг енгиллиги ва эгилувчанлиги ўрнатиш жараёнида жуда катта қулайликлар яратади.
Ялтироқ тортиб ўрнатиладиган пардали шипларнинг қўлланилиши натижасида арка ва шу каби кўп поғонали конструкциялар яратиш мумкин.
Уларнинг энг асосий афзалликларига сув ўтказувчанлиги кўрсаткичининг пастлиги, ҳарорат ўзгаришига қаршилик кўрсатиши ва биологик муҳитга чидамлилигини киритишимиз мумкин.
Шунингдек, шипдаги бундай конструкциялар коммуникация қувурларни, шипдаги ҳосил бўлган ёриқларни кўрсатмай туради.
Юқорида келтирилган хусусиятлари билан ялтироқ тортиб ўрнатиладиган шиплар замонавий истеъмолчиларда катта қизиқиш ва имкониятлар уйғотмоқда.Уларнинг эстетик сифатлари ва дизайнерлар учун имкониятлари интеръерларнинг чиройини очишга олиб келади. Бундай конструкциялар турли ўлчамдаги хоналарга мос келади.
Турар-жой хоналарининг пастроқ жойлашган шипларида уларнинг нур қайтариш хусусиятлари яхши самара беради. Шип баландлигининг кўриниши катталишиши, инсонларда ҳажмий кенгайиш каби тасаввур ҳосил қилади. Шип конструкциясининг ялтираши эса рангларнинг кўриниш тусларини янада ошириб юборади. Улар замонавий ёритиш асбобларининг ишлаш усуллари билан хона интеръерига янада чирой беради.