Ўзбекистон республикаси қурилиш вазирлиги ўзбекистон республикаси олий ва ўрта махсус таълим вазирлиги

1. Мустақил ишлаш учун саволлар.

1. 
   Ўзбекистон Республикаси Президенти И.Каримовнинг “Асосий вазифамиз – Ватанимиз тараққиёти ва ҳалқимиз фаравонлигини янада юксалтиришдир” номли асарларидан келиб чиққан ҳолда фаннинг мақсади ва вазифаси.
   
2. 
   2009-2012 йилларга мўлжалланган Инқирозга қарши дастур ва “Баркамол авлод йили” Давлат дастуридан ўрин олган ижтимоий-иқтисодий масалалар.
   
3. 
   Статистика тўғрисида умумий тушунча.
   
4. 
   Статистика фани предмети ва унинг ўзига хос хусусиятлари.
   
5. 
   Статистика фани асосий категориялари ва тушунчалари.
   
6. 
   Статистика фани услубияти.
   
7. 
   Бозор иқтисодиёти шароитида статистиканинг тутган ўрни ва аҳамияти.
   

2 - Мавзу. Статистик кузатиш услубияти.
1. Қисқача методик кўрсатмалар.
Статистик кузатиш – статистик изланишнинг биринчи босқичи. Статистик кузатиш жараёнида ўрганилиши лозим бўлган тўплам тўғрисида зарур маълумотлар тўпланади. Демак, статистик кузатиш деганда ўрганилиши лозим бўлган оммавий ижтимоий - иктисодий ҳодиса ва жараёнларни тахлил қилиш учун улар тўгрисида бирламчи маълумотларни режалаштирилган, илмий асосланган усуллар ёрдамида мунтазам равишда тўплаш, йиғиш жараёни тушунилади.
Статистик кузатиш икки шаклда олиб борилади - ҳисобот ва махсус уюштирилган текширишлар.
Статистик кузатиш аниқ режа асосида олиб борилади. Кузатиш режаси дастурий ва ташкилий масалаларни ўз таркибига олади. Кузатиш режасидаги энг асосий масала - кузатиш дастури. Уни тузишда изланишнинг мақсад ва вазифалари эътиборга олиниши лозим. Кузатиш дастури: кузатш объектини, бирлигини, белгилар ва саволлар кетма-кетлигини аниқлаб беради.
Кузатишнинг ташкилий масалаларига кузатиш бирлигини аниқлаш, кузатиш вақтини, муддатини, шаклини ва турларини аниқлаш, маълумотларни қайд этиш усуллари киради.
Кузатиш натижасида олинган маълумотлар аниқ ва хаққоний бўлиши керак. Шу сабабли бирламчи маълумот унга ишлов беришдан олдин арифметик ва мантиқий назоратдан ўтказилади.