Ўзбекистон республикаси қурилиш вазирлиги ўзбекистон республикаси олий ва ўрта махсус таълим вазирлиги

8.18-масала. Ишчиларнинг иш жойига бориши учун сарфланадиган вақтни аниқлаш мақсадида тасодифий 30 фоиз такрорсиз танланма кузатиш ўтказилди ва қуйидаги маълумотлар олинди:

Иш жойига боришга сарфланган вақт, мин.	30 гача	30-40	40-50	50-60	60-70
Ишчилар сони	70	80	200	55	45

Аниқланг: 1) 0,997 эҳтимоллик билан ишчиларнинг иш жойига бориши учун ўртача сарфлайдиган вақтни; 2) 0,954 эҳтимоллик билан иш жойига боришга 60 минутдан ортиқ вақт сарфлайдиган ишчилар салмоғини.
8.19-масала. “Тараққиёт” корхонасида 3000 киши ишлайди. Тасодифий такрорсиз усул ёрдамида 1000 киши ўрганиб чиқилди. Улардан 820 киши берилган кунлик топшириқни ортиғи билан бажарганлиги маълум бўлди.
Аниқланг: 1. Танланма кузатиш натижалари бўйича ишлаб чиқариш топшириғини бажармаётган ишлар салмоғини; 2. “Тараққиёт” корхонасидагииш топшириғини бажармаётган барча ишчиларнинг салмоғини (0,954 эҳтимоллик билан).
8.20-масала. Тайёрланган шартномадаги 2000 та маҳсулотдан механик танлаш асосида 30 фоиз маҳсулот текширилган ва улардан 12 таси яроқсиз деб топилган.
Аниқланг: 1) танланма натижаси бўйича яроқсиз маҳсулотлар салмоғини; 2) бутун партия учун яроқсиз маҳсулотлар ўзгариш чегараларини (0,954 эҳтимоллик билан).
8.21-масала. Шаҳар яқинига қатнайдиган йўловчилардан 10000 кишини ўртача қатнайдиган масофасини танланма текшириш натижасида 35,5 км, ўртача квадратик тафовут эса 16,0 км эканлиги аниқланди.
Аниқланг: 1) йўловчиларнинг ўртача қатнаш масофаси ўзгариш чегараларини 0,954 эҳтимоллик билан; 2) чегаравий хато (Δ) қандай ўзгаради, агар эҳтимоллик 0,997 бўлса.