Ўзбекистон республикаси қурилиш вазирлиги тошкент архитектура-қурилиш институти

Умумий қоидалар

Ушбу битирув олди амалиёт дастури Ўзбекистон Республикаси “Таълим тўғрисида”ги қонуни, Ўзбекистон Республикаси Президентининг 2017 йил

1 майдаги “Ўзбекистон Республикаси Давлат архитектура ва қурилиш қўмитаси фаолиятини ташкил этиш чора-тадбирлари тўғрисидаги” ПҚ- 2936-сонли ва 2017 йил 20 апрелдаги “Олий таълим тизимини янада ривожлантириш чора тадбирлари тўғрисида”ги ПҚ-2909-сонли ҳамда 2017 йил 27 июлдаги “Олий маълумотли мутахассислар тайёрлаш сифатини оширишда иқтисодиёт соҳалари ва тармоқлари иштирокини янада кенгайтириш чора тадбирлари тўғрисида”ги ПҚ-3151-сонли қарорлари ҳамда Ўзбекистон Республикаси Вазирлар Маҳкамасининг 2017 йил 19 майдаги “Илмий тадқиқот фаолиятини ташкил этиш, бошқариш ва молиялаштиришни такомиллаштириш чора тадбирларини амалга ошириш тўғрисида”ги 302-сонли қарорига мувофиқ Тошкент архитектура-қурилиш институти 5340500 – Қурилиш материаллари, буюмлари ва конструкцияларини ишлаб чиқариш таълим йўналиши талабаларининг битирув олди амалиётини ўташ тартибини белгилайди.
Амалиёт даврида талабалар амалий ва ижодий кўникмаларни эгаллайдилар, ижодий жамоада ишлаш давомида таълим олаётган йўналишининг ўзига хос жиҳатларини ўрганадилар, зарур билимларни эгаллайдилар. Архитектура ва қурилиш соҳасидаги илғор усулларнинг янги илмий-техник ва ишлаб чиқариш ютуқлари билан танишадилар. Шунингдек, битирув олди амалиётда танланган битирув иши мавзусини зарурий материалларини танлаб битирув ишини шакллантиришда фойдаланадилар.


1. Битирув олди амалиётининг мақсад ва вазифалари

Тошкент архитектура-қурилиш институти ректори томонидан тасдиқланган ишчи ўқув режага ва битирув олди амалиёт тўғрисидаги бўйруғига асосан 5340500 - Қурилиш материаллари, буюмлари ва конструкцияларини ишлаб чиқариш таълим йўналиши 4-курс талабаларининг битирув олди амалиётини ўтказиш учун 4 ҳафта давомида республикамиз ҳудудидаги корхоналар ва ташкилотларида ўтайдилар.

Битирув олди амалиётнинг мақсади – амалиётнинг мақсади–фан ва техниканинг янги ютуқларини ишлаб чиқаришга жорий этувчи замон талаби даражасида билим, малака ва кўникмаларга эга бўлган кадрлар тайёрлаш, қурилиш материаллари, буюмлари ва конструкцияларни ишлаб чиқариш технологияларни ўзлаштириш, мутахассислик ва умумкасбий фанлардан олинган назарий ва амалий билимларини мустаҳкамлашдан иборат.
Махсус фанлардан таҳсил олиш жарёнида турли хил мавзуларда бажарилган лойиҳа ишларини бажариш натижасида олинган назарий ва амалий билимларини мустаҳкамлаш ҳамда ҳар бир талаба ўзининг танланган битирув иши мавзусига оид маълумотларни тўплаб умумлаштиришдан иборат.