Ўзбекистон Республикаси Қурилиш Вазирлиги Тошкент Архитектура

3-расм.Айланма печдаги занжирлар (гирландия усули).

Цемент ишлаб чиқариш ишлатиладиган айланма печлар 7 зонадан иборат бўлиб, улар қуйидагича номланади:

1. Қуритиш зонаси. Печнинг умумий ўлчамидан ўртача 20% ини ташкил этади. Бу зонада умумий иссиқликнинг 40% сарф бўлади. Бу зонада материал таркибидаги намлик йўқолади ва температураси 180-200⁰С гача кўтарилади.
2. Иситиш зонаси. Печнинг умумий узунлигининг 25% ини ташкил этади. Газ температраси 1200⁰С атрофида, бу зонадан чиқаётган материалнинг температураси 600⁰С бўлиб, бу зонада умумий иссиқликнинг сарфланиши 25% атрофида.
3. Кальцийланиш зонаси. Печнинг умумий узунлиги 35%ини ташкил этади. Газ температураси бу зона бошланишида 1400-1500⁰С, материалнинг температураси эса 600-1000⁰С. Бу зонада тупроқ минералларнинг дегидратацияси содир бўлади, кейин карбонатларнинг диссоциацияси содир бўлади. Печнинг бу зонасида умумий иссиқликнинг 27% сарф бўлади.
4. Экзотермик реакция зонаси. Бу зона нисбатан қисқа бўлиб, у печнинг узунлиги бўйича 5% ини ташкил этади. Материал температураси тез кўтарилади. Бу зонада силикатлар ва кейин кальций алюминатлари хосил бўла бошлайди.
5. Пишиш зонаси. Бу зона печ узунлигининг 10% ини ташкил этади. Газ температураси 1600-1700⁰С, материалнинг қисман суюқланиши 8% ни ташкил этади.
6. Биринчи совитиш зонаси. Печнинг ичида бўлиб, узунлиги 7% ни ташкил этади. Бу ерда материал 1000-1100⁰С гача совитилади.
7. Иккинчи совитиш зонаси. Иккинчи совитиш холодилниклардан олиб борилади. Холодилниклар печнинг ичида ёки печнинг тагига ўрнатилади. Иккинчи совитишдан чиқаётган клинкернинг температураси 100⁰С атрофида.
Айланма печлар учун мосланган бу қурилманинг узунлиги 10-30 м, диаметри 1,2 – 2,5 м атрофида бўлади. Конструкцияси бўйича печга мос равишда, 4-8⁰ қияликда ўрнатилган цилиндрдан иборат. Холодилник айланиши давомида ундаги клинкер печнинг чиқиш бўлими томонга харакат қилади.