Ўзбекистон республикаси қурилиш вазирлиги тошкент архитектура-қурилиш институти

I-БОБ.	ТУРАР ЖОЙ БИНОЛАРИНИ МУКАММАЛ ТАЪМИРЛАШ ЖАРАЁНЛАРИНИ ТАШКИЛ ЭТИШНИНГ НАЗАРИЙ АСОСЛАРИ..................................
7
1.1.	Турар жой биноларини жисмоний қaйтa тиклaш ишлaри тaснифи..........................................................................................	7
1.2.	Турар жой биноларини жорий тaъмирлaш..................................	10
1.3.	Турар жой биноларини кaпитaл тaъмирлaш..............................	12
1.4.	Турар жой биноларини рeконструкция қилиш, қaйтa ускунaлaш вa янгидaн жиҳозлaш................................................	16
2-БОБ.	“ЯНГИ АСР СЕРВИС” ХУЖМШНИНГ ТЕХНИК-ИҚТИСОДИЙ КЎРСАТКИЧЛАРИ ВА УНИНГ ТУРАР ЖОЙ БИНОЛАРИ ЭСКИРИШИГА ТАЪСИР ЭТУВЧИ ОМИЛЛАР ТАҲЛИЛИ............................................................	20
2.1.	“Янги Аср Сервис” ХУЖМШнинг асосий фаолият йўналишлари ва техник-иқтисодий кўрсаткичлари таҳлили.....	20
2.2.	“Янги Аср Сервис” ХУЖМШнинг 2018 йил учун даромадлар ва харажатлар сметаси таҳлили ………………..........................	25
2.3.	Турар жой бинолари эскиришига таъсир этувчи табиий ва технологик омиллар таҳлили.......................................................	31
	ХУЛОСА........................................................................................	36
	ФОЙДАЛАНИЛГАН АДАБИЁТЛАР РЎЙХАТИ....................	38

КИРИШ


Мамлакатимиз мустақилликка эришгач, аҳолига маиший хизмат кўрсатиш соҳаси бозор иқтисодиётига ўтишга асосланди. Бугунги кунда мамлакатимизнинг тараққиёт ва фаровонлик йўлидан дадил ривожланиб бориши натижаси ўлароқ фуқароларимизнинг хусусий мулкка бўлган фикрлари ижобий томонга ўзгариб бормоқда. Давлатимиз томонидан фуқароларнинг хусусий мулкларини ҳимоя қилиниши ва даҳлсизлиги қонуний жиҳатдан белгиланган. Мулкдор ўзига қарашли мулкка эгалик қилиш ва бундан фойдаланиш ҳуқуқлари кафолатланган.
2018 йил 20 февраль куни Миллий матбуот марказида Ўзбекистон Республикаси Уй-жой коммунал хизмат кўрсатиш вазирлиги томонидан “Республика аҳолисининг сифатли уй-жой коммунал хизматлари билан қамраб олиш ва уй-жой коммунал хизмат кўрсатиш соҳасини яхшилаш ҳамда уй-жой фондидан фойдаланиш тизимини такомиллаштириш борасида белгиланган чора-тадбирлар ижроси, куз-қиш мавсумига тайёргарлик борасидаги ишларнинг бугунги кундаги ҳолати, йўл қўйилган камчиликлар ва аҳоли эътирозлари асосида муаммоларни ҳал қилиш борасида” мавзусида Матбуот анжумани ташкил этилди.
Мазкур анжуманда Уй-жой коммунал хизмат кўрсатиш вазири Салиев Музаффар Халдарбаевич берган маълумотга кўра:¹ Республикамизнинг барча ҳудудларида жойлашган кўп қаватли уй-жой фондини 2017-2018 йиллар куз-қиш мавсумига тайёрлаш ишлари Муҳтарам Президентимизнинг 2017 йилнинг 22 июндаги 3079-сонли қарорига асосан амалга оширилди. Асосий иш турлари бўйича қуйидаги ишлар бажарилди:
10218 та кўп қаватли уй-жойларнинг 4 млн. 472 минг 485 м2 том қисмлари мукаммал ва жорий таъмирдан чиқарилди; 9529 та кўп қаватли уйларнинг ертўла қисмларида таъмирлаш ва тартибга келтириш ишлари олиб борилди; 742 минг п/м дан ортиқ иссиқлик тик қувурлари таъмирланди; 21973 та кириш йўлаклари таъмирдан чиқарилди; 125 955 м2 дан зиёд фрамуга ойналари таъмирдан чиқарилди; 17247 та ички электр тақсимловчи шитлари таъмирланиб тартибга келтирилди. 1607 та янги болалар майдончалари барпо этилиб, мавжуд 2239 та болалар майдончаларида таъмирлаш ишлари олиб борилди; кўп қаватли уйларнинг олди қисмидаги 1 млн. 248 минг 902 м² йўлаклар (тротуарлар) бетон қоришмаси билан қопланди.
Республика қишлоқ аҳоли пунктларининг меъморий қиёфасини тубдан янгилаш, ҳудудларни комплекс ривожлантириш, йўл-транспорт инфратузилмаси, муҳандислик-коммуникация тармоқлари ва ижтимоий соҳа объектларини барпо этиш ҳамда шу асосда аҳолининг турмуш маданиятини юксалтириш мақсадида Ўзбекистон Республикаси Президентининг 2018 йил 29 мартдаги “Обод қишлоқ” дастури тўғрисида”ги Фармони қабул қилинди. Мазкур фармонга кўра “Обод қишлоқ” дастурига киритилган қишлоқлардаги мавжуд уй-жойлар, бино-иншоотлар, инфратузилма объектлари, йўл-транспорт ва муҳандислик коммуникацияларининг техник ҳолати ўрганилиши ҳамда шу асосда уларда қурилиш, реконструкция қилиш ва таъмирлаш ишлари бажарилиши белгиланган² .
Юқоридагилардан келиб чиқиб айтиш мумкинки, Президентимиз Ш.Мирзиёев халқимизнинг муносиб турмуш кечиришлари учун барча чораларни кўрмоқда, барча масъул раҳбарларни ҳам масъулиятини ошириб қўйганлигини алоҳида таъкидлаш жоиз.
Бугунги кунда турар жой биноларини сақлаш, фойдаланиш ва уларни мукаммал таъмирлаш жараёнлари республика бўйича қониқарсиз аҳволда эканлиги ва ушбу муаммоларни ўз вақтида бартараф этиш кераклиги сабабли ҳам Уй-жой коммунал хизмат кўрсатиш вазирлиги ташкил этилди³, “Обод қишлоқ” дастури қабул қилинди. Бундан ташқари Ўзбекистон Республикаси Президентининг 2018 йил 2 апрелдаги “Қурилиш соҳасида давлат бошқаруви тизимин тубдан такомиллаштириш чора-тадбирлари тўғрисида”ги ПФ-5392-сон фармони ҳамда “Ўзбекистон Республикаси Қурилиш вазирлигини ташкил этиш тўғрисида” ги ПҚ-3646-сон қарорлари қабул қилинди.