Ўзбекистон республикаси қурилиш вазирлиги самарқанд давлат архитектура қурилиш институти «Қурилиш» факультети

Пенополивинилхлорид бикр ва эластик кўринишлари ишлаб чиқарилади. Бикр поливинилхлорид –60⁰С дан +60⁰С ҳарорат орасида хоссаларини қисман ўзгартириши мумкин бўлган иссиқлик изоляцияси материалидир. У одатда сарғиш рангда бўлиб, таркибига турли рангдаги пигментлар киритиш натижасида исталган рангдаги маҳсулотни тайёрлаш мумкин. Маҳсулот ўлчами 500х750 мм, қалинлиги 35-70 мм плиталар кўринишида ишлаб чиқарилади. Пенополивинилхлориднинг ўртача зичлиги 95-195 кгм³, иссиқлик ўтказувчанлиги 0,06 Вт(м^.0С), 24 соат ичидаги сув шимувчанлиги 0,3%, ишлатилиш ҳарорати 70⁰С атрофида, бўлади.
Улар асосида плиталар қурилиш конструкциялари, саноат ускуналари ва трубопроводларни иссиқлик изоляцияси учун ишлатилади. Эластик пенополистирол ўрама маҳсулот кўринишида ишлаб чиқарилади ва иссиқлик изоляцияси ва безак материали сифатида қўлланилади. Пенополивинилхлорид материаллари сув ва агрессив муҳитларга чидамли ва пенополистирол, пенополиуретан кабиларга нисбатан камроқ ёнувчандир.
Мипора карбамид-формалдегид полимери таркибига кўпиртирувчи ва қотирувчи компонентлар киритиб олинадиган жуда енгил иссиқлик изоляцияси материалидир. Мипоранинг ўртача зичлиги 10-20 кгм³, иссиқлик ўтказувчанлиги 0,026-0,03 Вт/(м^.0С), ишлатиш ҳарорати 110⁰С гача. Юқори даражада гигроскопиклиги ва мустаҳкамлигининг пастлиги мипоранинг камчилиги ҳисобланади. Мипора каркас конструкцияларни, трубопроводларни, совутгичларни иссиқлик изоляцияси учун ишлатилади.
11 – мавзу: Инновацион қоплама материаллар. Аквапанель. Гипсокартон листлар. Шиша магнийли листлар. Велокс.

1. 
   Аквапанель.
   
2. 
   Гипскартон листлар.
   
3. 
   Шиша-магнийли листлар.
   
4. 
   Велокс.
   

Таянч иборалар: Аквапанель, керамзитобетонли ўзак ,шиша толали тўр, ,,ҳўл“ ва ,,қуруқ” усуллар ,ёғоч қипиқли плита, цемент қипиқли плита, гипскартон лист, гипс бўтқаси, минерал тўлдиргич, цемент плита, шиша магнийли листлар, «ВЕЛОКС».