Ўзбекистон республикаси қурилиш вазирлиги самарқанд давлат архитектура қурилиш институти «Қурилиш» факультети

6 – мавзу. . Изоляция материаллари ишлаб чиқаришдаги инновацион технологиялар.

1. 
   Тола каркасли минерал, газ ҳосил қилиб тайёрланган, кўпиртирилган минерал ва органик иссиқлик изоляцияси материаллари.
   
2. 
   Турли конструкцияларни қўшимча изоляциялаш.
   
3. 
   Гидроизоляция материаллари.
   

1. 
   Умумий маълумотлар.
   
2. 
   Тола каркасли минерал иссиқлик изоляцияси материаллари.
   
3. 
   Газ ҳосил қилиб тайёрланган иссиқлик изоляцияси материаллари.
   

Таянч иборалар: иссиқлик изоляцияси, изорок, минерал пахта, шиша пахта, газ ҳосил қилиш, кўпик ҳосил қилиш, минерал тола, органик иссиқлик изляция материаллари.

Иссиқлик изоляцион материаллар деб, атроф муҳитга иссиқлик йўқотилишини камайтириш мақсадида турар-жой ва саноат бинолари, иссиқлик агрегатлари, ҳамда қувурли ўтказгичлари қуришда ва унинг устидан ўралган материалларга айтилади.

Иссиқлик изоляцион материаллари асосий хом-ашёнинг тури, шакли ва ташқи кўриниши, тузилиши, зичлиги, қаттиқлиги ва иссиқлик ўтказувчанлиги бўйича турланади.
Асосий хом-ашёнинг турига қараб, иссиқлик изоляцион материаллар минерал хом-ашёнинг ҳар хил турлари (тоғ жинслари, шлак, шиша, асбест) асосида тайёрланадиган ноорганик, органик (улар ишлаб чиқариш учун табиий органик материаллар - торф, ёғоч толали материаллар хом-ашё бўлиб хизмат қилади) ва пластик массалардан тайёрланадиган материалларга бўлинади.
Шлакли ва кўриниши бўйича иссиқлик изоляцион материаллар доналаб тайёрланадиган қаттиқ (плита, қобиқ, цемент, ғишт, цилиндр ва эгилувчан мато, шнурли эшилган боғлиқлар) юмшоқ ва сочилувчан (пахта, перлит қум, вермикулит) материалларга бўлинади.

Тузилиши бўйича иссиқлик изоляцион материаллар толали (минерал пахта, шиша толали, донадор перлит, вермикулит) ғовак (ғовак бетонлардан тайёрланган буюмлар, кўпик шиша) материалларга турланади.

Зичлиги бўйича иссиқлик изоляцион материаллар: 15, 25, 35, 50, 75, 100, 125, 150, 175, 200, 225, 250, 300, 350, 400, 450, 500, 600, 700 маркаларга бўлинади.
Бикрлиги бўйича юмшоқ (м) материаллар (минерал пахта, шиша пахта) ярим бикр - синтетик боғловчи асосида тайёрланган штапелли, шиша толадан қилинган плиталар ва бошқалар, бикр (ж) синтетик боғловчи асосида минерал пахтадан қилинган плиталар, юқори бикр (Ж), қаттиқ (Т) материаллар бўлади.