Ўзбекистон Республикаси умумий ўрта таълим мактаблари ва ўрта махсус, касб-ҳунар таълим муассасалари ўқувчиларининг умумтаълим фанлари бўйича фан олимпиадаларини ўтказиш бўйича тавсия ва баҳолаш мезонлари

Барча босқичларда умумий кўрсаткич 100 бални ташкил килади.

БИОЛОГИЯ

Биология фан олимпиадасининг биринчи, иккинчи, учинчи босқичи умумтаълим мактабларининг 9-11 синфларда ўтказилади. Академик лицей ва касб-ҳунар коллежларида биринчи босқич 1-3 курсларда, иккинчи, учинчи босқич 2-3 курсларда ўтказилади.

Биринчи, иккинчи, учинчи босқич олимпиада 3 турда (ёзма иш, лаборатория машғулоти, тест синови), тўртинчи босқичида 2 турда (ёзма иш, тест синови) ўтказилади.
Ёзма иш.
Фан олимпиадасининг биринчи (таълим муассасаси) ва иккинчи (туман), учинчи (вилоят) босқичларида ёзма иш топшириқлари 4 та саволдан иборат бўлади.
Ёзма иш учун 120 дақиқа вақт берилади. Максимал 40 балл.
Олимпиаданинг тўртинчи (Республика) босқичида ёзма иш топшириқлари 5 та саволдан иборат бўлиб, ёзма иш учун 180 дақиқа вақт берилади. Максимал 50 балл.
Саволлар танланаётганда қуйида берилган баҳолаш мезонига эътиборни қаратган ҳолда тузиш лозим.
Ёзма иш қуйидаги мезон асосида баҳоланади.

Т.р	Баҳолаш мезони	Балл
1	Ўқувчи томонидан савол мазмуни тўла очиб берилган, қонун, назариялар тўлиқ ва аниқ ёритилган бўлса	10
2	Агар ўқувчи томонидан савол мазмуни тўла очиб берилган, аммо қонун ва назарияларни очиб беришда қисман хатоликка йўл қўйган бўлса	9
3	Жавоблар тўлиқ, лекин изчиллик бузилган бўлса	8
4	Жавоблар тўлиқ, лекин изчиллик бузилган, атамалар ва қонуниятлар тавсифида кичик ноаниқлик мавжуд бўлса	7
5	Жавоблар қисман тўлиқ, атамалар ва қонуниятлар тавсифида изчиллик бузилган ва кичик ноаниқлик мавжуд бўлса	6
6	Саволлар жавобида хатоликлар ва уларни изоҳлашда тушунчалар таснифида бир қанча ноаниқлик ва хатоларга йўл қўйилса	5
7	Жавоблар хулосаланмаган, фикрлар чалкаш, тушунчаларда кўп хатолар мавжуд бўлса	4
8	Жавоблар хато ёзилган лекин айрим атама ва тушунчаларни оқ ёки қоралама дафтарларида қайд этган бўлса	3
9	Жавоблар хато ёзилган лекин айрим тушунчаларни қисман қайд этган бўлса	2
10	Жавоблар хато ёзилган, ҳеч қандай атама ва тушунчалар қайд этилмаган бўлса	1