Ўзбекистон Республикаси ҳудудида фойдаланишдаги етти гуруҳдаги: огоҳлантирувчи, имтиёз, тақиқловчи, буюрувчи, ахборот-кўрсатувчи, сервис

Йўл белгилари хакида тушунча
Режа:
1. Фойдаланишдаги гуруҳлар
2. Йўл белгиларини ўрнатиш
3. Огоҳлантирувчи йўл белгилари
4. Горизонтал йўл белги чизиқлари
Ўзбекистон Республикаси ҳудудида фойдаланишдаги етти гуруҳдаги: огоҳлантирувчи, имтиёз, тақиқловчи, буюрувчи, ахборот-кўрсатувчи, сервис, қўшимча ахборот йўл белгилари Венада 1968 йил қабул қилинган йўл белгилари Конвенциясига ва бу Конвенцияни тўлдирувчи Женевадаги 1971 йил Европа келишуви талабларига тўлиқ мос келади.

Автомобил йўлларида ва шаҳар кўчаларида йўл белгиларини ўрнатиш ГОСТ 23457-86, уларнинг ўлчамлари эса ГОСТ 10807-78 талабларига жавоб бериши керак. Автомобил йўлларида йўл белгилари қуйидаги кетма-кетликда ўрнатилиши керак: кўрсатувчи (ахборот-кўрсатувчи); имтиёз; сервис ва табличкалар; огоҳлантирувчи; буюрувчи; тақиқловчи.

Кетма-кет жойлаштирилган йўл белгилари аҳоли яшамайдиган йўл участкаларида 50 м ва аҳоли яшайдиган жойларда эса 25 м дан кам бўлмаган масофада ўрнатилиши лозим (7.2-расм). Бунга чорраҳаларда ўрнатиладиган йўл белгилари кирмайди.

Аҳоли яшамайдиган жойларда йўл белгиларини режада жойлаштириш.

Йўл белгилари йўлнинг ўнг томонида қатнов ва йўл ёқаси қисмидан ташқарида (махсус ҳолатлардан бошқа) ўрнатилади.

Аҳоли яшамайдиган йўл участкаларида йўл белгиларини йўл ёқаси ёнида кўтарилган «берма»да (супачада) (7.3а-расм), кўтарманинг қиялик ён бағрида (7.3б-расм), ён ариқдан ташқарида (7.3в-расм), қийин йўл шароитларида йўл ёқасида (7.3г-расм) расмларда кўрсатилган талабларга биноан ўрнатилиши керак. Бу белгилар йўлнинг ён томонидан ўрнатилганида қатнов қисмининг четидан, йўл ёқасининг мавжуд ҳолатида эса йўл қирғоғидан (бровкадан) йўл белгисининг четигача 0,52,0 м масофада, қопламанинг устидан белгининг тагигача (табличкаларни ҳисобга олмаганда) 1,52,0 м масофада ўрнатилиши лозим.

аҳоли яшамайдиган жойларда йўл белгиларини кўндаланг кесимда жойлаштириш.

Аҳоли яшайдиган жойларда йўл белгиларини йўл ёқасининг ёнига (7.4а- расм), йўл ёқасининг устига (7.4б-расм), қатнов қисмининг тепасига (7.4в-расм) жойлаштириш мумкин. Ажратувчи полоса хавфсизлик оролчалари бўлган ҳолларда эса йўл белгисини жойлаштириш 7.4г-расмда кўрсатилган.