Ўзбекистон республикаси транспорт вазирлиги

Саккизинчи ҳафта
Амалиёт бўйича ҳисоботни тайёрлаш ва ҳимоялаш.
8. Малакавий амалиёт бўйича мустақил ишлар

Т/р	Ишлар кетма-кетлиги	Ҳафталар	Соатлар
1	Корхонадаги асосий ва қўшимча ишлаб чиқариш участкалари билан танишув	1	24
2	Корхонанинг минтақа ва участкалари фаолияти билан танишув	2	24
3	Корхонанинг устахоналари фаолияти билан танишув	3	24
4	Корхонанинг устахоналари фаолияти билан танишув	4	24
5	Корхонада автомобилларни диагностикалаш жараёни билан танишув	5	24
6	Корхонада автомобилларга техник хизмат кўрсатиш ва жорий таъмирлаш жараёни билан танишув	6	24
7	Автомобилнинг электр жиҳозларига; трансмиссиянинг агрегат ва механизмларига; тормоз тизимига; рул бошқарув механизмларига; юриш қисмларига техник хизмат кўрсатиш ва жорий таъмирлаш жараёни билан танишув,	7	24
8	Корхона бўйича якуний амалиёт ҳисоботини тайёрлаш ва ҳимоялаш	8	24
	Жами	8	192

9. Малакавий амалиёт бўйича ҳисоботни тайёрлаш
ва ҳисоботни ҳимоя қилиш тартиби
Амалиёт якунида талаба амалиёт дастури бўйича ёзма ҳисобот тайёрлаб уни химоя қилишлари лозим.
Малакавий амалиётни ўташ даврида талаба доимий равишда кундалик тўлдириб боради ва уни раҳбар назоратидан ўтказиб туради. Кундаликда ҳафта давомида олинган маълумотлар қисқа кўринишда, тўлиқ маълумотлар эса ҳисобот учун расмийлаштириб борилади.
Малакавий амалиёт ҳисоботи, кундалиги тўлдирилмаган ва амалиётда сабабсиз қатнашмаган талабалар университетдан тайинланган ҳайъат томонидан баҳоланмайди ва “амалиёт ўтамаган” деб ҳисобланади. Бундай талаба амалиётни талабалик таътили даврида қайта ўташи керак бўлади. Баъзи ҳолларда эса ректор томонидан уни талабалик сафидан четлаштириш масаласи кўриб чиқилиши мумкин.
Малакавий амалиёт даврида талаба ишлаб чиқаришда ўзининг намунали хулқи, маданиятли интизоми, билим ва янгиликни ўрганишга интилувчанлигини кўрсатиши билан бирга, ишлаб чиқаришдаги ишчи-ходимлари ўртасида ҳурматга лойиқ бўлиши керак бўлади.
Малакавий амалиёти бўйича ҳисобот 30−35 варақ ҳажмида, А4 форматдаги варақнинг фақат бир томонига қўлёзма матни кўринишида, керакли хужжатларнинг иловаларини ҳисоботнинг сўнгида келтирилиб расмийлаштирилади.
Ҳисобат таркибига қуйидагилар киради:
 кириш;
 корхонанинг вазифаси, хизмат кўрсатиш турлари;
 корхонанинг ташкилий тузилиши;
 автотранспорт корхонаси ёки хизмат кўрсатиш станциясининг ишлаб чиқариш тeхнологик жараёнининг ташкил этиш;
 шахсий вазифалар;
 хулоса;
 фойдаланилган адабиётлар руйхати;
 иловалар ва бошқалар.
Амалиёт ҳисоботида амалиёт ўтилган корхонанинг қисқача техник фойдаланиш характеристикаси амалиёт ўташ учун берилган топшириққа мос равишда расмийлаштирилган бўлиши ҳамда корхонанинг мухри ва раҳбар имзоси билан тасдиқланган бўлиши керак.
Амалиёт бўйича ёзилган ҳисоботда корхона раҳбарияти томонидан талабанинг амалиёт вақтидаги фаолиятига характеристика берилиб амалиётга раҳбарлик қилган ходим томонидан мухр босилиб имзоланиши лозим.
Йўлланмада талабанинг амалиёт ўташ учун келган ва кетган саналари кўрсатилган бўлиши ҳамда корхона раҳбариятининг мухри ва имзоси билан тасдиқланган бўлиши керак.
Барча маълумотлар бўйича ҳисобот тайёрланиб, ишлаб чиқаришдан тайинланган раҳбар назоратидан ўтказилади, амалиёт сўнгида университетдан тайинланган раҳбарга амалиётда тўлдириб борилган кундалик билан биргаликда тақдим этилади ва ҳимоя қилиниб “Автомобиль ва автомобиль хўжалиги” кафедрасига топширилади.