Ўзбекистон республикаси тижорат банкларида бухгалтерия ҳисобининг ҳисобварақлар режасига ўзгартириш ва қЎшимчалар киритиш тўҒрисида

10105 Чеклар ва бошқа тўлов ҳужжатлари
Ҳисобварақнинг таърифи йўл чеклари ва бошқа тўлов ҳужжатларининг ҳисоби юритилади.
Ҳисобварақ дебетида банк томонидан қабул қилинган йўл чеклари ва бошқа тўлов ҳужжатларининг номинал қиймати акс эттирилади.
Ҳисобварақ кредитида эмитент-банк томонидан қопланган ва/ёки эмитент-банк томонидан қоплаб берилмаганда зарар сифатида ҳисобдан чиқарилаётган йўл чеклари ва бошқа тўлов ҳужжатларининг номинал қиймати акс эттирилади.
Таҳлилий ҳисоб чеклар ва бошқа тўлов ҳужжатларининг тури бўйича алоҳида шахсий ҳисобварақларда олиб борилади.
10107 Банкоматлардаги нақд пуллар
Ҳисобварақнинг таърифи: банкка тегишли банкоматларда(га) (қўйилган) мавжуд нақд пул маблағларининг ҳисоби юритилади.
Ҳисобварақ дебетида банкоматларга қўйилган нақд пул маблағлари акс эттирилади.
Ҳисобварақ кредитида пластик карточкалар асосида банкоматлардан берилган нақд пул маблағлари акс эттирилади.
Таҳлилий ҳисоб ҳар бир банкомат бўйича алоҳида шахсий ҳисобварақларда олиб борилади.
10109 Йўлдаги нақд пуллар ва бошқа тўлов ҳужжатлари
Ҳисобварақнинг таърифи: банк/филиалнинг айланма кассасидан бошқа банклар/филиалларга жўнатилган ва йўлда бўлган нақд пул, чек ва бошқа тўлов ҳужжатларнинг ҳисоби юритилади.
Ҳисобварақнинг дебетида бошқа банклар/филиалларга жўнатилган нақд пул, чек ва бошқа тўлов ҳужжатларининг суммаси акс эттирилади.
Ҳисобварақнинг кредитида қабул қилувчи банк/филиал томонидан уларнинг кассага ҳақиқатда қабул қилинганлиги тўғрисидаги тасдиқномаси асосида нақд пул, чек ва бошқа тўлов ҳужжатлари суммасини ҳисобдан чиқариш амалга оширилади.
Таҳлилий ҳисоб қабул қилувчи банк бўйича, шунингдек нақд пуллар, чеклар ва бошқа тўлов ҳужжатлари тури бўйича алоҳида шахсий ҳисобварақларда олиб борилади.
Олдинги таҳрирга қаранг.
10111 — Амалиёт кассаларидаги нақд пуллар
Ҳисобварақнинг таърифи: амалиёт кассаларидаги нақд пулларнинг ҳаракати ва ҳисоби юритилади.
Ҳисобварақнинг дебетида амалиёт кассаларига келиб тушган нақд пуллар акс эттирилади.
Ҳисобварақнинг кредитида амалиёт кассаларидан берилган нақд пуллар акс эттирилади.
Таҳлилий ҳисоб валюта тури ва банк биносида жойлашмаган ҳар бир амалиёт кассаси бўйича алоҳида шахсий ҳисобварақларда олиб борилади.
(III-бўлимнинг 10111-ҳисобварағи Ўзбекистон Республикаси Марказий банки Бошқарувининг 2018 йил 8 сентябрдаги 29/3-сонли қарори (рўйхат рақами 773-37, 15.10.2018 й.) таҳририда — Қонун ҳужжатлари маълумотлари миллий базаси, 16.10.2018 й., 10/18/773-37/2054-сон)