Ўзбекистон республикаси ташқи ишлар вазирлиги

Jinoiy javobgarlik asosi deganda – shaxsni jinoyat sodir etishda aybdor deb topish uchun isbotlanishi lozim bo’lgan holatlar majmui tushuniladi.

Jinoiy javobgarlik asosini - sodir qilingan qilmishda JKda nazarda tutilgan jinoyat tarkibining barcha alomatlari mavjudligi jinoiy javobgarlik asosini tashkil qiladi.
4 – Mavzu: JINOYaT TARKIBI
4.1. Jinoyat tarkibi tushunchasi va uning o’ziga xos xususiyatlari.

Jinoyat tarkibi deb - jinoyat huquqida sodir etilgan aniq bir ijtimoiy xavfli qilmishni jinoyat deb baholash uchun zarur bo’lgan obyektiv va subyektiv belgilarning minimal yig`indisiga aytiladi.

Bu belgilar jinoyat qonuni Maxsus qism normalarida mustahkamlanganligi bois, u yoki bu ijtimoiy xavfli qilmishning jinoyat deb baholanmog`i uchun zaruriy belgi bo’lib hisoblanadi.

Jinoyat tarkibining "tarkib" deb nomlanishining asosiy sababi shundaki, unda jinoyatning obyekti, obyektiv tomoni, subyekti va subyektiv tomoni degan tushunchalar (elementlar) bir butun holda mujassamlashganligini anglatadi.