Ўзбекистон республикаси ташқи ишлар вазирлиги

15-Mavzu. JINOIY JAVOBGARLIKDAN OZOD qILISh
15.1. Jinoiy javobgarlikdan ozod qilish tushunchasi, turlari, ahamiyati va shartlari.

Jinoiy javobgarlikdan ozod qilish deb - shaxs sodir etgan ijtimoiy xavfli qilmishida aybdorlik masalasi hal qilinmasdan turib, uning barcha huquqiy oqibatlaridan uni ozod qilishga aytiladi. Ya’ni:

- sodir etgan ijtimoiy xavfli qilmishi uchun JK asosida javob berish majburiyatidan;

- uning harakatlari davlat tomonidan salbiy baholanishidan;

- aybdorga jinoiy huquqiy ta’sir choralarini qo’llanilishidan;

- sudlanganlik holatining yuzaga kelishidan.

Amaldagi jinoyat qonuni javobgarlikdan ozod qilishning quyidagi turlarini ko’rsatadi:

- javobgarlikka tortish muddatining o’tib ketganligi munosabati bilan;

- qilmish yoki shaxsning ijtimoiy xavfliligini yo’qotganligi munosabati bilan;

- aybdor o’z qilmishiga chin ko’ngildan pushaymon bo’lganligi munosabati bilan;

- yarashilganlik munosabati bilan;

- kasallik tufayli;

- amnistiya akti asosida javobgarlikdan ozod qilish.

Javobgarlikka tortish muddatining o’tib ketganligi munosabati bilan yoki amnistiya akti asosida javobgarlikdan ozod qilish - sudlarning majburiyati hisoblansa, boshqa turdagi javobgarlikdan ozod qilish turlari sudlarning huquqi hisoblanadi.