Ўзбекистон республикаси ташқи ишлар вазирлиги

11 - Mavzu: BIR qANChA JINOYaTLAR SODIR ETISh
11.1. Jinoyat huquqida bir qancha jinoyatlar sodir etish tushunchasi va turlari.

Bir qancha jinoyatlar tushunchasi, amaldagi JK da berilmagan, lekin jinoyat huquqida bir qancha jinoyatlar deb - bir shaxsning ikki va undan ortiq jinoyatni sodir etishi va har-bir qilmishi alohida jinoyat tarkibini tashkil qiladigan harakatlar majmuiga aytiladi.

Amaldagi jinoyat qonuniga ko’ra, bir qancha jinoyat sodir etishning quyidagi turlari mavjud. Ular:

- takroran jinoyat sodir etish;

- jinoyatlar majmui;

- restidiv jinoyat sodir etish.

Bir qancha jinoyat sodir etish, jinoyat sodir etgan shaxsning ijtimoiy xavfliligini oshirib, shaxsni javobgarlikka tortish, jazo tayinlash, javobgarlik va jazodan ozod qilish masalalariga ta’sir qiladi.
11.2. Bir qancha jinoyatlar sodir qilishni alohida jinoyat sodir qilishdan farqi.

Bir qancha jinoyat sodir etish o’z xususiyati va ahamiyatiga ko’ra, alohida sodir qilinadigan (davomli va uzoqqa cho’zilgan) jinoyatlardan farqlanadi.