Ўзбекистон республикаси ташқи ишлар вазирлиги

10.5. Ishtirokchilar harakatlarini kvalifikastiya qilish.

Bajaruvchining harakatlarida jinoyat tarkibining barcha alomatlari mavjud bo’lsa, uni umumiy asoslarda jinoiy javobgarlikka tortishga va JK Maxsus qism moddasi sankstiyasida nazarda tutilgan doirada jazo chorasini tayinlashga sabab bo’ladi.

Tashkilotchi, dalolatchi, yordamchining harakatlari esa - bajaruvchining harakatlari kvalifikastiya qilingan modda bilan kvalifikastiya qilinadi. Faqatgina ushbu holatda JK Maxsus qism moddasini JK 28 – moddasiga havola qilgan holda kvalifikastiya qilinishi lozim bo’ladi. Masalan: ishtirokchilikda qasddan odam o’ldirish jinoyati sodir etilgan bo’lsa, bajaruvchidan tashqari boshqa ishtirokchilarning harakatlari quyidagicha kvalifikastiya qilinadi:

Bajaruvchining harakatlari JK 97-moddasi tegishli qismi va bandlari bilan;

Tashkilotchi, dalolatchi va yordamchining harakatlari esa, JK 28,97-moddasining tegishli qismi va bandlari bilan kvalifikastiya qilinadi.

Agarda, bajaruvchi jinoyatga tayyorgarlik ko’rganlik yoki suiqasd qilganlik bosqichida to’xtatilgan bo’lsa, boshqa ishtirokchilarning harakatlari ham ushbu jinoyatni sodir etishga tayyorgarlik ko’rish yoki suqasd qilish deb kvalifikastiya qilinadi.

Bu holatda ishtirokchilarning harakatlari quyidagicha kvalifikastiya qilinishi lozim:

Bajaruvchining harakatlari JK 25,97-moddasi tegishli qismi va bandlari bilan;

Tashkilotchi, dalolatchi va yordamchining harakatlari esa, JK 28,25,97-moddasining tegishli qismi va bandlari bilan kvalifikastiya qilinadi.

Ishtirokchilarning barchasi faqatgina o’zlari ishtirok etgan va umumiy qasdi bilan qamrab olingan qilmishlari uchungina javobgar bo’ladilar. Ishtirokchilarning umumiy qasdi bilan qamrab olinmagan qilmishni sodir etgan ishtirokchi sodir etgan qilmishi uchun faqat o’zi javobgar bo’ladi va ekstess bajaruvchi deb ataladi.

№