´збекистон республикаси солиµНИ

Фармацевтика иқтисодиёти
– аҳолининг саломатлигини сақлаш учун дори воситалари, 
тиббий буюмларни ишлаб чиқариш, тарқатиш ва ҳизматларни айирбошлаш билан 
шуғулланувчи тармоқлар йиғиндиси. 
Фармацевтика иқтисодиётининг изланишлар соҳаси дорихона ассортиментида аҳоли ва 
даволаш-профилактика муассасалари эҳтиёжини юқори даражада қондириш мақсадида дори 
воситалари ва тиббий буюмларнинг чекланган ресурсларидан самарали фойдаланиш ёки 
уларни бошқариш муаммоларидир. 
Дорихона иқтисодиётини ўзига хос қатор хусусиятлари мавжуд: 
– Фармацевтика хизматларини дипломли мутахассислар амалга оширади; 
– сақлаш шароити ва сифатига юқори талаблар қўйилган махсус товарлар савдоси амалга 
оширилади (кўпгина дори воситалари муайян сақлаш шароитларини талаб қилади, ярмидан 
кўпининг сақлаш муддатлари чекланган); 
– зарур ассортиментнинг мавжудлигини сақлаш билан боғлиқ харажатларнинг 
юқорилиги; 
– дори воситаларининг аксарияти шифокор рецепти асосида берилади; 
– якка тартибда дори воситаларини тайёрлаш эса дорихонага кўпинча кўшимча 
харажатлар келтиради; 
– савдо ва ишлаб чиқариш хоналарининг жиҳозларига юқори даражада талаблар 
қўлланилади.

---

5 
Иқтисодий ривожланиш эволюсиясига кўра: хўжаликни бозор шароитида ташкил қилиш 
инсоннинг чексиз эҳтиёжларини қондира олиш учун ноёб иқтисодий ресурсларни қўллаш 
муаммоларининг энг самарали эчимидир. 
Иқтисодиёт икки асосий тармоққа бўлинади: макроиқтисодиёт ва микроиқтисодиёт. 
Макроиқтисодиёт фани – иқтисодиётнинг тўлиқ ёки иқтисодиётнинг йирик таркибий 
қисмлари: давлат ва хусусий секторлар фаолиятини ўрганади. Бунда иқтисодиётнинг умумий 
тизими ва таркибий қисмлар (иқтисодий беқарорлик, Инфляция, ишсизлик, талаб ва таклиф, 
иқтисодий ривожланиш даврлари) орасидаги алоқалар тўлиқ ўрганилади. Макроиқтисодиёт 
умумий бозорларни (товарлар, хизматлар, ишчи кучи ва қимматли қоғозлар) таҳлил қилади. 
Макроиқтисодиётда қуйидаги катталиклар таҳлил қилинади: ялпи миллий даромад, 
маҳсулотнинг умумий ҳажми, даромаднинг умумий ҳажми, харажатнинг умумий ҳажми, 
бандликнинг умумий даражаси, нархларнинг умумий даражаси, умумий талаб, ишсизлик, 
Инфляция ва бошқалар. 
Микроиқтисодиёт – алоҳида иқтисодий субъектларнинг фаолияти билан боғлиқ 
қонуниятларни ўрганади. Уларга истеъмолчилар, корхоналар (фирмалар), алоҳида соҳалар 
киради. Микроиқтисодиётда қуйидаги катталиклар таҳлил килинади: бирор корхонанинг (ёки 
фирманинг) ишчилар сони, тушуми ёки даромади, маълум товарга талаб ва унинг нархи. 
Микроиқтисодиёт бундан ташқари субъектларнинг ўзаро таъсири, алоҳида бозорларни ташкил 
этиш, уларнинг ривожланиши, фаолият юритишини ҳам текширади. Дорихона 
микроиқтисодиётнинг бир субъекти ҳисобланади. 
Макроиқтисодиёт муаммолари – аҳолининг бандлиги муаммолари, Инфляция даражасини 
аниқлаш муаммолари, иқтисодий ривожланиш даврларининг пасайиши, кўтарилиш, 
ривожланиш даврлари, инвеститсиясига доир қонуниятларини ўрганиш ва аниқлашдан иборат.