Ўзбекистон республикаси соғЛИҚни сақлаш вазирлиги ўзбекистон республикаси олий ва ўрта махсус таълими вазирлиги

 
 
 
 
 

---

76
НАЗАРИЙ КИСМ 
 
МИОКАРД ИНФАРКТИ 
60 ёшдан ўтган одам юраги оғирлиги камаяди, бўшлиқлари кенгаяди, эндокард 
қалинлашиб, кардиомиоцитлар атрофияга учрайди. Қон томирларнинг ички қавати 
қалинлашади, эластиклиги камаяди. Юрак қисқаришлари ритми секинлашади, гемодинамика 
ва кардиодинамика ўзгаради. 
Миокарднинг қисқариш қобилияти ва энергетик жараённинг сустлашиши юрак 
етишмовчилигига олиб келади. Қон айланиши регуляциясининг бузилиши, қонда 
вазопрессин миқдорининг ортиб кетиши, буйракларда қон айланишининг бузилиши 
артериал гипертензияга олиб келади. Коронар қон томирларнинг склерози эса юрак ишемик 
касаллигига сабаб бўлади. 
Кексаликдаги юрак хасталикларининг асосини атеросклеротик ўзгаришлар ташкил 
этиб, бу гериатриянинг муҳим муаммоларидан бири ҳисобланади. 
Атеросклероз 45-59 ёшларда бошланиб, организмнинг қаришини тезлаштиради. 
Атеросклерозни ривожлантирувчи омиллар: 
1. беморнинг ёши, жинси 
2. холестерин ва липопротеидларнинг ошиб кетиши 
3. артериал босимнинг ошиб кетиши 
4. чекиш ва спиртли ичимликлар ичиш 
5. қандли диабет 
6. овқат омиллари, семизлик 
7. асабийлашиш, кўп ҳаяжонланиш 
8. ирсий омиллар 
9. кам ҳаракатланиш 
10. қон ивувчанлигининг издан чиқиши 
Атеросклерознинг ривожланишидаги асосий омил бу гиперхолестеринемия ва 
гиперлипопротеинемиядир. Атеросклерознинг кўп учрайдиган турлари аорта склерози, 
кардиосклероз, мия томирлари склерозидир. Атеросклерознинг олдини олиш учун уни 
келтириб чиқарувчи омилларни бартараф этишдир. 
40 ёшдан ошган барча беморларда холестерин, триглицерид ва липопротеидлар 
миқдори текширилади. Беморларга холестеринга бой бўлмаган овқатлар буюрилади ва 
турмуш тарзини ўзгартириш тавсия этилади.
Бундан ташқари ўт ҳайдовчи воситалар, липотроп моддалар (холин, метионин, 
лецитин), йод препаратлари, аскорбин кислотаси ҳам холестерин миқдорини камайтиради. 
Никотин кислотаси, В
1
В
6
Е, Р витаминлар атеросклерознинг олдини олиш ва даволашда 
қўлланилади.