Ўзбекистон республикаси соғЛИҚни сақлаш вазирлиги ўзбекистон республикаси олий ва ўрта махсус таълими вазирлиги

 
 
МУСТАКИЛ ИШ УЧУН МАВЗУЛАР 
СИМПТОМАТИК АРТЕРИАЛ ГИПЕРТОНИЯЛАР 
Таърифи. Симптоматик артериал гипертензиялар моҳиятини (таърифини) муаллифлар 
турлича баён қиладилар. Турли патологик жараёнлар натижасида бошқа касалликларнинг 
симптоми сифатида пайдо бўладиган артериал гипертониялар иккиламчи ёки симптоматик 
дейилади (А. С. Сметнев, В. Г.Кукес). В. И. Маколкин ва С. И. Овчаренко бошқа таъриф 
берадилар: «Симптоматик, ёки иккиламчи артериал гипертензиялар — артериал босимни 
идора қилишда қатнашадиган муайян касалликлар ва шикастланишлар билан сабаби 
жиҳатидан боғлиқ бўлган артериал босимнинг ошиш турларидир». 
Бу таърифларнинг мазмуни равшан, симптоматик гипертензиялар (СГ) органлар ва 
тизимларнинг турли-туман патологиялари оқибати ва гипертония (эссенциал) касаллигидан 

---

64
фарқли ўлароқ фақат синдром ҳисобланади, лекин айрим ҳолларда СГ клиникаси биринчи 
ўринда бўлади ва врачнинг жуда синчиклаб эътибор беришини талаб қилади. 
Иккиламчи артериал гипертензиянинг 70 дан ортиқ вариантлари тасвирланган (А. В. 
Виноградов, 1980; Н. Р. Палеев, 1980). 
Ҳозирги замон терапия фанининг асосий муаммоси гипертония касаллиги ва 
симптоматик гипертония масалаларини аниқ чегаралаш (Қиёсий ташхис) ҳисобланади, бу 
беморларни энг янги замонавий усуллар (ангиография, буйраклар биопсияси, буйрак усти 
безларини радионуклид визуализация қилиш ва б.) билан диагностика қилишни талаб этади. 
Бу вазифани кардиологик марказ шароитидагина амалга ошириш мумкин. Шу сабабли 
симптома-тик гипертензиялар кўп ҳолларда аниқланмай қолади, бу гипертония касаллиги 
билан касалликни жиддий (сунъий) оширади; бинобарин, бунга йўл қўймаслик учун 
артериал гипертонияли беморларнинг ҳаммаси текширилиши лозим. 
Бутуниттифоқ илмий кардиологик марказида АГ нинг турли турлари билан касалланган 
6000 дан зиёд беморларни кузатиш натижаларига асосан текширишнинг икки босқичли 
тизимси ишлаб чиқилган. Бу қўйидагиларга: 1) гипертония касаллиги ва симптоматик 
гипертония Қиёсий ташхиссини ўтказишга; 2) симптоматик гипертензияларнинг айрим 
турларини ўрганишга; 3) симптоматик гипертензия характерини аниқлашга; 4) даволашга 
қиёсий ёндошишни таъминлашга имкон беради. 
Мураккаб диагностик усуликалар қўлланиб узоқ муддат кузатиш (Г. Г. Арабидзе,1982) 
гипертония касаллиги АГ бўлган ҳамма беморларнинг 65—75 фоизида, ваҳоланки 
симптоматик гипертензия 25—35 фоиз беморларда аниқланишини кўрсатди. Артериал 
гипертония касалликларининг умумий сонидан 3 фоиз ҳолларда унинг кечиши хавфли тус 
олади (бунда артериал босим симоб устуни ҳисобида 220/130 мм дан юқори ва оғир 
оқибатлар билан кечади). Сўнгра хавфли артериал гипертония синдроми, одатда, унинг 
симптоматик турларида (ҳамма ҳолларнинг 13,7—30 фоизида) пайдо бўлади, гипертония 
касаллигида эса у атиги 0,19 фоиз ҳолдарда кузатилади. 
Қўйида этиологик омилга асосланган иккиламчи артериал гипертензияларнинг таснифсини 
келтирамиз (S. Julius бўйича, 1977, М. С. Кушаковский тўлдирган, 1982).