Ўзбекистон республикаси соғЛИҚни сақлаш вазирлиги ўзбекистон республикаси олий ва ўрта махсус таълими вазирлиги

Клиник маълумотлар ва назарий билимларга асосланиб, талаба қўйидагиларни 
билиши керак: 
1) коронар томирлар зарарланиш характерини (тахминан) белгилай олиши (яллиғли, 
дистрофик, склеротик); 
2) тахминий диагнозга асосан беморни текширишнинг асосланган режаини тузиши; 
3) касалликнинг асосий диагностик мезонлари асосида батафсил диагнозни, 
стенокардиянияг кечиш вариантларини аниқлаши; 
4) режа асосида, асосланган даволаш олиб бориши; 
5) касаллик асоратлари, оқибатини, санаторий-курортда даволашга кўрсатмаларни, меҳнат 
қобилиятини аниқлаши. 
Этиологияси. Ишемия касаллиги ривожланишида қўйидагилар муҳим роль ўйнайди: 
— органик зарарланишлар (атеросклероз, ревматик, захмли ва бошқа этиологияли 
коронаритлар); 
— тож томирлар қон айланиши идора этилишини бузадиган невроген омиллар (асабий 
зўриқиш, салбий ҳис-ҳаяжонлар, руҳий травма ва б.); 
— ҳар хил ички органлар томонидан рефлектор таъсир (холециститлар, меъда ва ўн 
икки бармоқ ичакнинг яра касаллиги), (ўпка касалликлари, диэнцефал-эндокрин 
бўзилишлар ва б.); 
— стенокардия ривожланадиган фон (артериал гипертензия, кандли диабет, ёғ босиш ва 
б.) ва имкон берадиган омиллар (чекиш, ичкилик ичиш ва б.); 

---

41
— 
генетик мойиллик, жинс, ёш ва касб-корнинг аҳамияти.
Патогенези: 
— тож томирларнинг органик ва функционал ўзгаришлари натижасида юрак 
мушагининг кислородга эҳтиёжи билан коронар қон айланиши имконияти ўртасидаги 
номувофиқлик (трофика бўзилиши, миокард гипоксияси ва ишемияси); 
— юрак—миокарднинг ортиқча ишлаши (функционал, ўта чарчаган юрак, «гипертония» 
ва б.); 
— коллатерал қон айланиши етишмовчилиги; 
— қон ивиш ва ивишга қарши тизимларнинг бўзилиши; 
— катехоламинларнинг гистотоксик эффекти ва б.
Клиник манзараси 
I. Субъектив маълумотлар. Шикоятлари: 
1) юрак сохасида ва тўш орқасида оғриқлар хуружи: 
— оғриқ характери ва кучи — сиқадиган, кесадиган, босадиган, кўкракда қисилиш 
сезгиси ёки қаттиқ оғриқ; 
— оғриқ иррадиацияси (кўчиши) — чап елкага, кураклараро-бўшликда, чап қўлга, камроқ 
— ўнг елкага, ўнг куракка, энсага,
бармоклар увишиб қолиши; 
— хуруж частотаси — суткасига бир неча марта, ҳар куни, 
хуружларнинг камдан-кам 
бўлиши; 
— пайдо бўлиш вақти — асосан тунги вақтда, тинч турганда, бемор ишга отланаётган 
пайтда, иқлим шароитларининг таъсири ва б.; 
— хуружларга ҳаво етишмаслиги сезгиси, ҳарсиллаш, юрак уриши ва бошқалар кўшилиб 
келиши мумкин; 
2) хуружлар пайдо бўлишини бемор ҳаяжонланиш, нерв-психик зўриқиш, хавотирланиш, 
кўп овқат ейиш, кечки овқатни кўп ейиш, қорин дам бўлиши билан боғлайди; 
3) умумий шикоятлар: 
— беморнинг хуруж вактидаги хатти-ҳаракати (изтироблари, ўлим ваҳимаси, ҳаракатсиз 
туриши, оқариб кетиши ва б.); 
— бош оғриғи, бош айланиши, кўнгил айниши, баъзан кусиш 
— валидол, нитроглицерин, валериана, аччиқ чой, кофе кабилар ичилгандан кейин хуруж 
тўхташи; 
— мўл диурез, хуруж тўхтагандан кейин баъзан иш қобилияти тикланиши, умуман 
кайфиятнинг яхшиланиши; 
4) асосий касаллик учун хос шикоятлар (тож томирлар атеросклерози, кардиосклероз, 
гипертония касаллиги ва б.). 
II. Субъектив маълумотлар анализи, бемор анамнези.
III. Объектив маълумотлар: 
—III умумий кўздан кечириш: беморнинг аҳволи, ўриндаги вазияти, лаблар цианози, 
рангпарлик, тинч турганда нафас қисиши ва юрак етишмовчилиги бўлганда шишлар, 
шунингдек асосий жараён учун типик маълумотлар ва б.; стенокардия хуружи вақтида бемор 
аҳволига баҳо бериш; 
— коронар (тож) томирлар атеросклерозининг унинг кечиш вариантлари, жараённинг 
жойлашган ўрнига кўра клиник белгилари; 
— юрак томонидан физикал ўзгаришлар — чап қоринча гипертрофияси, тонларнинг 
сусайиши, шовқинлар ва акцентлар-пайдо бўлиши, сурункали коронар етишмовчилик, 
шунингдек юрак,
(чап-, ўнг қоринча ёки тотал) декомпенсацияси белгилари; 
— артериал гипертензиянинг клиник белгилари: юрак томонидан перкутор ва 
аускультатив силжишлар, артериал босимнинг кўтарилиши ва «ошган босим»нинг бошқа 
симптомлари.