Ўзбекистон республикаси соғЛИҚни сақлаш вазирлиги тошкент тиббиёт академияси «тасдиқлайман»

Эмперик давр- микроблар кашф қилинишидан олдинги давр. Бу даврда 
юқумли касалликлар тўғрисида жуда кўплаб ғоялар олдинга. Гиппократ 
эрамизгача бўлган 460–377 ва Гален (131–211) юқумли касалликларга тирик 
мавжудотлар сабаб бўлса керак, деб гумон қилган эдилар. Осиё халқлари эса 
моховни юқумли ҳисоблаб, бу касалликка чалинганларни халқ орасидан 
узоқлаштириш тадбирларини тавсия этганлар. Буюк олим Абу Али ибн Сино 
(980–1037) юқумли касалликларни кўзга кўринмайдиган тирик мавжудотлар 
қўзғатиши ва булар сув, ҳаво орқали тарқалиши борасида фикр юритган. 
Ғарбий Европада физика, кимё, тиббиёт фанлари ривожланаётган XVI–
XVIII асрларда юқумли касалликларнинг келиб чиқиш сабабларини аниқлаш 
борасида кўплаб маълумотлар тўпланди. XVII асрнинг бошларида оптика 
фани соҳасида ҳам самарали ишлар қилинди, жумладан биллур шишаларнинг 
жисмни катта қилиб кўрсатиш хусусияти ўрганида бошланди. Биринчи марта 
1590 йилда Ганс ва Захарий Янсенлар (1-расм) биллур шишалардан асбоб 
ясаб, жуда майда жисмларни кўрдилар. 1609–1610 йилларда Галилей 
томонидан биринчи марта оддий микроскоп ихтиро қилинди. 
Морфологик давр- микроорганизмларни биринчи бўлиб микроскоп 
остида кўрган ва уларни текширган голландиялик табиатшунос Антоний-ван-
Левенгудир (1632–1723), у 160–300 мартагача катталаштира оладиган 
микроскопни кашф қилади. А. Левенгук атроф муҳитда мавжуд бўлган 
кўпгина нарсаларни текшириб, уларнинг ичида, тирик «ҳайвончалар» 
борлигини кўрган ва уларнинг расмларини чизиб олган. «Левенгук топган 
табиат сирлари» номли китоб чоп этди. Манашу даврдан бошлаб 
микробиология фани тарихини морфологик даври бошланди. Бу даврда асосан 
микроорганизимланинг шакли, харакатлари ўрганилган (19-асрнинг иккинчи 
яримигача давом этган). 

---

Физиологик давр- микробиология фани соҳасида қилинган кашфиётлар 
муҳимлигини назарда тутганда XIX аср жуда самарали ҳисобланади. Бу 
асрнинг биринчи ярмидан бошлаб кўпгина юқумли касалликларнинг 
микроблари аниқлана бошланди. 
XIX асрда микробиология фани соҳасида қилинган энг муҳим 
кашфиётлар француз кимёгари ва физиги Луи Пастер (1822–1895) ва немис 
бактериолог олими Роберт Кох (1893–1910). фаолиятлари билан чамбарчас 
боғлиқдир.