Ўзбекистон республикаси соғЛИҚни сақлаш вазирлиги тошкент фармацевтика институти

Бу эса _maх    нинг юқори қийматларида аниқлаш Е қийматлари нинг сезгирлигини оширади.
_maх билан бирга монохроматик нур монохроматорлар ёрдамида ажратилади. Фотоколориметрик усулда аниқлаш модда эритмаларининг нур ютиш максимуми керакли светофильтри ёрдамида амалга оширилади.
Фотометрик ўлчашларнинг оптимал шароитини танлаш
Бугер-Ламбер-Бер қонунига асосан, оптик кўрсаткич текшириладиган модда эритмасининг моляр ютиш коэффиценти, эритманинг концентрацияси ва ютиш қатламининг қалинлигига боғлиқ. Назарий ҳисоблашлар ва тажрибалар фотометрик аниқлашларда хатонинг минимал қиймти оптик кўрсаткичнинг 0,2-1 қийматларига тўғри келишини кўрсатади. Шундан келиб чиқиб, аниқлашларнинг оптимал шароити танланиши керак. Кўпчилик моддаларнинг моляр ютиш коэффиценти бирнинг улушларидан 10⁵ гача бўлган оралиқда ўзгаради. Юқорида ютиш қатламининг 1 см қалинлигини мақсадга мувофилиги кўрсатилган эди, агар l =1cм бўлса, оптимал ҳисобланадиган оптик кўрсаткич қийматини 0,5 деб олинса, моляр ютиш коэффиценти 100 бўлган эритма учун концентрацияси С_х=0,5/100=0,005 бўлиши кузатилади.
Агар модданинг моляр ютиш коэффиценти 1000 бўлса, оптик кўрсаткичнинг 0,5 бўлган қиймати учун концентрацияси
С_х=0,5/1000=0,0005 бўлади.
 Текшириш учун олинган модда эритмасининг оптик кўрсаткичи катта бўлса, оптимал шароит танлаш учун эритманинг концентрациясини ёки ютиш қатламининг қалинлигини камайтириш зарур. Оптик кўрсаткич жуда кичик бўлганда ютиш қатламининг қалинлигини ошириш орқали оптимал шароитни танланиши мумкин. Бундай ўлчашлар эритмадан ўтаётган нурнинг тўлқин узунлиги оптик кўрсаткичнинг энг катта қийматига мос келадиган сохасида амалга оширилиши керак. Бу сохада ютиш энг катта қийматга эга бўлади. Агар текшириладиган модда бир нечта ютиш йўлакларига эга бўлса, ютиш коэффиценти энг катта бўлган йўлак (оптик кўрсаткичнинг энг катта қийматига тўғри келадиган учинчи сохасини) танланади.