Ўзбекистон республикаси соғЛИҚни сақлаш вазирлиги тиббий таълимни ривожлантириш маркази тошкент давлат стоматология институти

Rp.: Emplastri adhaesivi extensi 3 cm x 5 m
D.S. Жаррохлик яраси устидаги бғловни
мстахкамлаш учун


ҚАТТИҚ ДОРИ ШАКЛЛАР
қаттиқ дори шаклларига қуйидагилар киради: сочмалар, капсулалар, таблеткалар, дражелар, гранулалар, ҳапдорилар (пилюлалар), карамеллар ва бошқалар.
СОЧМАЛАР
Сочма (бош келишик бирлик сонда - Pulvis, қаратқич келишик бирлик сонда - Pulveris) сиртга ишлатиш ёки ичиш учн бериладиган сочилувчанлик хоссасига эга бўлган қаттиқ дори шакли.
Сочмалар таркибига кўра икки хил бўлади.

1. 
   Оддий сочмалар – Pulveres simplices - таркиби битта дори моддасидан иборат.
   
2. 
   Мураккаб сочмалар – Pulveres compositi - таркиби иккита ва ундан ортиқ дори моддадан иборат.
   

Сочмалар майдаланиш даражасига кўра учга бўлинади: йирик (Pulveres grossi), майда (Pulveres subtiles) ва жуда майда сочмалар (Pulveres subtilissimi). Бундан ташқари сочмалар дозаларга тақсимланган (Pulveres divisi) ва тақсимланмаган (Pulveres indivisi) бўлади.
Сочма шаклида ҳар хил сунъий моддалар, микроорганизмлар махсулотлари, ўсимлик ва хайвонлардан олинган бирикмалар қўлланиши мумкин. Аммо, сочма шаклида гигроскопик (калций хлорид, натрий бромид, калий ацетат ва бошқалар), бир-бири билан аралашганда суюқ ёки нам масса хосил қиладиган (антипирин ва хинин), осон парчаланувчи (кумиш нитратни органик моддалар билан аралашмаси) ёки портловчи моддаларни қўллаш мумкин эмас.
СИРТГА ИШЛАТИЛАДИГАН СОЧМАЛАР
Сиртга ишлатиладиган сочмалар жуда майдаланган кўринишда дозаларга тақсимланмаган ҳолда 5,0 дан 100, 0 гача миқдорда ёзиб берилади. Рецептда: Rp.: дан кейин дори моддасининг номи, майдаланганлик даражаси ва умумий миқдори ёзилади, агар сочма мураккаб бўлса, M.f. pulvis - аралаштир кейин D.S. ёзилиб унда ишлатилиши кўрсатилади.

1. 
   Оддий сочмалар ёзишга мисол:
   

Стрептоциднинг жуда майда сочмасидан жароҳат юзасига сепиш учун 20,0 ёзиб берилсин.