Ўзбекистон республикаси соғЛИҚни сақлаш вазирлиги тиббий таълимни ривожлантириш маркази тошкент тиббиёт академияси

1.КИРИШ
Мотивация.
Мушак тўқимаси организмнинг турли ҳаракат шакллари ва вазифалари билан боғлиқ: тананинг фазодаги ҳаракати, юракнинг ритмик қисқариши, хазм тизими аъзоларининг перисталтикаси, қон томирлар бўйлаб қоннинг ҳаракати, сийдикнинг чиқиши, туғруқ ва бошқалар. Мушак тўқимасининг тузилиши ва келиб чиқиши турли хил, лекин умумий функционал бирликка – қисқаришга эга. Мушак тўқимасининг тузилиши ва фаолиятининг бузилиши, унинг қисқаришининг ўзгариши оғир касалликларга олиб келади. Шунинг учун шифокорлар мушак тўқимасининг микроскопик хусусиятларини билиши муҳимдир.


Фанлараро ва фан ичида боғлиқлик
Дарсда олинган билимларни хусусий гистология ўрганилаётганда (юрак қон-томир, хазм, нафас олиш, сийдик ажратиш, жинсий системалар), нормал ва патологик физиологияда, патологик анатомияда, терапияда, жаррохлик, акушерлик ва гинекология, урология, офталмология, онкология ва бошқа клиник соҳаларда қўллаш мумкин.


Жорий баҳолаш мезонлари

Ўзлаштириш (%)	Баҳо	Талабанинг билим даражаси
96-100	Аъло «5»	Машғулот мавзуси бўйича талабанинг жавоби тўлиқ, турли манбалардан олинган қўшимча маълумотларга бой, билим ҳажми дастур доирасидан чиқади. Дастурда тавсия этилган асосий адабиётларни тўлиқ ўзлаштирган ва қўшимча адабиётлар билан таниш. Машғулотда берилган вазифаларни ўз вақтида, сифатли бажаради. Вазиятли масалаларни ечишда ижодий фикрлайди, аниқ жавоб беради ва жавобини мантиқан асослайди. Мавзу муҳокамаси, мунозараларда фаол қатнашади, ўз фикрини ҳимоя қила билади. Мавзу бўйича одам анатомияси, нормал физиология ва биокимё фанларидан олган билимларини умумлаштиради, мустақил хулоса ва қарор қабул қила олади. Интерактив ўйинларда фаол ва ижодий қатнашади, қўйилган саволларга ҳар томонлама тўлиқ жавоб беради, жавобини асослайди.
		Амалий кўникмаларни тўлиқ эгалла­ган, мавзуга оид гистологик препаратларни ўрганиш­да олган назарий билимларини қўллайди, препаратлар ташҳисотини босқичма-босқич тўғри амалга оширади, препаратдаги барча тузилмаларни тўғри кўрсатади, асослайди ва тушуниб чизади.