Ўзбекистон республикаси соғЛИҚни сақлаш вазирлиги тиббий таълимни ривожлантириш маркази

Аралаш овқатлантиришда қўшимча овқат киритиш.
Қўшимча овқат киритиш муддати сунъий овқатлантиришдагидек. Бола мослашган
сутли аралашмалар овқатлантирилса, биринчи қўшимча овқатни сабзавотли пюре кўринишда 5 ойликдан, мослашмаган сутли аралашма билан овқатланганда - 4 ойдан бериш керак.
Иккинчи қўшимча овқат 6 (6,5) ойликда дуккакли сутли бўтқа кўринишида берилиши мумкин. Бунда биринчи қўшимча овқат сифатида мустақил тайѐрланган ѐки саноат йўли билан чиқарилган турли ѐрмали бўтқалардан фойдаланиш мумкин.
Сузмани оқсил коррекцияси учун 6 ойликдан, қўшимча овқат сифатида - 8 ойликдан тайинлаш мақсадга мувофиқдир.
Гўштли шўрва - 7 ойликда, гўштли қийма - 7,5 ойликда, 9 ойликда гўштли қиймани фрикаделка билан, 1 ѐшнинг охирида - буғда пиширилган котлет билан алмаштириш мумкин.
9-10 ойликда болага (аллергик реакция бўлмаса) ҳафтада 1-2 марта гўшт ўрнига қайтилган балиқ бериш мумкин.
49

Тухум сариғини сунъий овқатлантиришда 7,5 ойликдан олдин бермаслик керак,
чунки бу маҳсулот кўпроқ аллергик реакцияларга кўпроқ мойиллик туғдирали.
Учинчи қўшимча овқат 8 ойликдан биолакт ѐки қатиқ, қаймоқли сузма, оқ нон тарзида тавсия этиш мумкин.
Мослашган аралашмалар берилганда, витамин Д гипервитаминоз хавфи сабабли берилмайди, мослашмаган аралашмалар берилганда 2 ойдан бошланади.


Аралаш овқатланишдаги болани текшириш схемаси
1.Шикоятларини аниқлаш (озиб кетиш ѐки семириш, безовталик, пешобнинг кам
ажралиши, нажаснинг тез-тез ѐки умуман келмаслиги)
2.Анамнез йиғишда қуйидагиларга этибор бериш керак:
 Эмизикли аѐлни овқатланиши ва кун тартиби
 болани овқатлантиришда онадаги қийинчиликлар,
 кўкрак сути билан овқатлантиришдаги режим ва техникалар
 лактацияни стимуляция қилинганлигини.
3.Болани умумий текширганда ҳулқ атворига алоҳида эътибор бериш керак (фаол, тетик, безовта, кўп йиглайди), тери ва шиллиқ қаватларни баҳолаш (оқимтир-пушти, оқимтир), тери эластиклигини, тўқималар тургорини, тери ости ѐғ қавати қалинлигини (нормада ѐки суст), сийдик чиқариш тезлигини (кам ѐки тез), нажас тезлиги ва тавсифи.
4.Овқатлантиришдан кейин ва аввал назорат вазн ўлчаш камида 3 марта, овқатлантиришнинг ҳар ҳил соатларида ўтказилади ва бола бир марта эмган сут миқдорини топилади.