Ўзбекистон республикаси соғЛИҚни сақлаш вазирлиги тиббиёт ходимларининг касбий малакасини ривожлантириш маркази

Мақсад. ЛОР аъзоларининг аллергик касалликларига чалинган беморларга жорий стандартлар ва клиник протоколларга мувофиқ ташхис қўйиш, даволаш ва реабилитация қилишда зарур малакали ёрдам кўрсатиш мақсадида назарий билим даражасини ошириш ва амалий кўникмаларини такомиллаштиришдан иборат.
Вазифалар.

• 
  ЛОР аъзоларининг аллергик касалликлари сабаблари ва патогенетик механизмлари ҳақидаги билимлари доирасини кенгайтириш;
  

• 
  ЛОР аъзоларининг аллергик касалликларини ташхислаш ва даволашнинг замонавий янги усулларини билан таништириш ;
  
• 
  Республикамизда ЛОР аъзоларининг аллергик касалликларини ташхислаш ва даволаш бўйича амалдаги таснифи, стандартлари ва протоколларини тақдим этиш;
  

Таълим олувчилар контингенти: интернатура, клиник ординатура, магистратура ёки бошланғич ихтисослаштиришда мазкур мутахасисликни эгаллаганлигини тасдиқловчи ҳужжати бўлган шифокор оторииноларингологлар, аллергологлар, УАШ ва даволаш иши йўналишидаги бошқа ихтисосликлар шифокорлари.
Тингловчини ўқув дастурни ўзлаштириши учун зарур бўлган компетенция:
- оториноларингологик ва аллергик касалликлар тўғрисида кенг қамровли билимларга эга бўлиш, уларни таҳлил қилиш;
- аллергик касалликларни ташхислаш ва даволашда қўлланиладиган замонавий усуллар хақида тушунчага эга бўлиши.
- ЛОР аъзолари касалликларини мустақил ташхис қўйиши ва зарур даволаш чораларини белгилай олиши;
-шифокор оторииноларингологнинг квалификация таснифида кўрсатилган амалий кўникмаларни мустақил бажариши ёки ўтказиш техникаси хақида маълумотга эга бўлиши;


Дастурнинг долзарблиги:
Аҳоли санитария маданиятининг барқарор ўсиши, янги самарали даволаш усулларини жорий этилиши, аҳолини тиббий кўрикдан ўтказилишига қарамай ЛОР аъзоларининг аллергик касалликлари мутаносиблиги юқорилигича қолмоқда. Ўз вақтида аниқланмаган ЛОР аъзолари касалликлари баъзан беморларнинг ҳаётига жиддий хавф солиб, организмнинг бошқа аъзолари ва тизимларида оғир асоратлар келтириб чиқаради, аҳолининг ногиронлик кўрсаткичига салбий таъсирини кўрсатади. Шу муносабат билан оториноларингологларнинг муҳим вазифаларидан бири аҳоли ўртасида ЛОР аъзоларининг аллергик касалликлари олдини олиш бўлиб, бу ЛОР аъзоларининг аллергик касалликларини ўз вақтида аниқлаш, тўғри ташхислаш ва даволашни ҳамда профилактик чора-тадбирларни кўзда тутади.