Ўзбекистон Республикаси Соғлиқни сақлаш вазирининг

Магнит-резонанс томография (МРТ). 
МРТ тошларни ташхислаш учун 
ишлатилмаслиги керак. Бироқ, бу усул косача-жом системаси (КЖС) анатомияси, сийдик 
найи обструкцияси ёки стенози локализацияси ва буйрак паренхимасининг морфологияси 
тўғрисида батафсил маълумот олишга имкон беради [24]. 
Ёш болаларда визуализация усуллари бўйича тавсиялар 
Тавсиялар 
ТД 
СТК билан касалланган барча болалар тош таркибини ҳисобга олган ҳолда 
тўлиқ метаболик текширувдан ўтишлари керак 
Кучли 
Тошнинг турини билиш мақсадида таҳлил учун тошларни тўплаш зарур 
Кучли 
Агар болаларда СТК касаллигига шубҳа бўлса, УТТ ташхислашнинг биринчи 
танлов усули сифатида тавсия этилади. Бу усул буйраклар, тўлатилган қовуқ ва 
сийдик найлари туташ соҳаларининг текширувини ўз ичига олиши керак. 
Кучли 
Агар УТТ зарур маълумотларни бермаса, умумий урографияни (ёки паст дозали 
КТ) бажариш керак. 
Кучли 
 

---

29 
3. ДАВОЛАШ 
3.1. 
Буйрак санчиғи 
3.1.1. Буйрак санчиғида оғриқ синдромини енгиллаштириш 
Метамизол натрий (синоним: аналгин) ва парацетамол каби ностероид 
яллиғланишга қарши воситалар (НЯҚВ) буйрак санчиғи билан оғриган беморларда 
оғриқни самарали равишда енгиллаштиради [25-27] ва оғриқ қолдириш таъсири бўйича 
опиатлардан устундир [28]. Спазмолитикларни НЯҚВ билан бирга қўллаш оғриқ 
назоратини яхшиламайди, опиатлар ва НЯҚВ бўлмаган бошқа дори воситалари бўйича 
адабиётларда чекланган маълумотлар мавжуд [29]. НЯҚВдан кейин беморларга қисқа 
муддат ичида кейинги анальгезия камдан кам ҳолларда талаб этилади. Диклофенакни 
юрак етишмовчилиги (NYHA бўйича II-IV синф), юрак ишемик касаллиги, периферик 
артериялар касаллиги ва цереброваскуляр патологияси бўлган беморларда қўллаш мумкин 
эмас. Юрак-қон томир асоратлари хавфи юқори бўлган тақдирда, диклофенак фақат 
мажбурий кўрсатмаларда қўлланади. Даволашнинг дозаси ва давомийлиги ошиши билан 
хавф ошиб бориши сабабли, энг қисқа таъсирга эга бўлган энг паст дозани қўллаш керак.