Ўзбекистон Республикаси Соғлиқни сақлаш вазирининг

5.4.8. Мояк биопсияси 
Тестикуляр биопсия азооспермия, эякулятда сперматогенез ҳужайралари йўқ,
моякнинг нормал ҳажми ва қон плазмасида ФСГнинг нормал концентрацияси бўлган 
беморларда ўтказилади. Тест натижаси нормо-, гипо- ва асперматогенез сифатида 
баҳоланади. Очиқ биопсиядан фойдаланиш ва сақланиб қолган сперматогенез мавжуд 
бўлганда бир вақтнинг ўзида уруғ йўлларини жарроҳлик йўли билан коррекциялаш тавсия 
этилади. Биопсия материалининг йўқотилишини олдини олиш ва гематотестикуляр 
тўсиғига такроран зарар етказиш натижасида келиб чиқадиган аутоиммун бепуштлик 
ривожланиш хавфини минималлаштириш учун ушбу манипуляцияни ёрдамчи 
репродуктив технологиялар клиникаси шароитларида ўтказиш мақсадга мувофиқдир. 
Ушбу усул патологик жараённинг даражасини аниқлаб, азооспермиянинг обструктив ва 
нообструктив шакллари ўртасида дифференциал ташхислашни амалга оширишга имкон 
беради. 

---

278 
Эркаклар бепуштлигини ташхислаш бўйича тавсиялар 
 
Тавсиялар 
ТД 
Субфертиллик қайд этилган эркакларни ташхислаш ва даволашда аёлнинг 
фертиллигини ҳисобга олиш керак, чунки бу якуний натижага таъсир қилиши 
мумкин. 
Кучли 
Эякулят таҳлили ЖССТнинг одамнинг эякулятини текшириш ва қайта ишлаш 
бўйича кўрсатмаларига мувофиқ амалга оширилиши керак (5-нашр) 
Кучли 
Агар ЖССТ мезонларига мувофиқ, камида иккита эякулят таҳлилида нормадан 
четга чиқиши аниқланса, андрологик текширув ўтказилиши керак. 
Кучли 
Эркакларнинг бепуштлигини ташхислаш ва баҳолашда ЖССТнинг текшириш, 
ташхис қўйиш ва даволаш бўйича 2010-йилги стандартларига риоя қилиш керак
Кучсиз 
 
5.5. 
Даволаш 
Касалликнинг аниқланган сабабларига қараб даволаш консерватив, жарроҳлик ва 
алтернатив даволаш турларига бўлинади.