Ўзбекистон Республикаси Соғлиқни сақлаш вазирининг

Сув буғи ёрдамида конвекцион аблация (WAVE): Rezum тизими. 
Таъсир механизми: 
Rezum тизими (Boston Scientific, USA) радиочастотали 
тўлқинларнинг энергиясидан сув буғи шаклида иссиқлик энергиясини ҳосил қилиш учун 
фойдаланади, бу эса ўз навбатида буғ ҳужайралари билан алоқага кирганда суюқ ҳолга 
келиб иссиқлик энергиясини чиқаради. Конвектив хусусияти туфайли сув буғлари 
тўқималар орасидаги бўшлиқлар орқали тез ва бир ҳил тарқалади ва сақланиб қолган 
энергияни простата тўқималарига, некрозни келтириб чиқарган ҳолда, чиқариб юборади. 
Жарроҳлик амбулатория шароитида минимал даражада оғриқ қолдириш билан амалга 
оширилиши мумкин. Одатда, простатанинг ҳар бир ён бўлакларига биттадан учтагача ва 
ўрта бўлагига биттадан иккитагача инъекция қилиш керак бўлади. 
Самарадорлик: 
Кичик даражадаги пилот тажриба тадқиқотларида даволанган 
ПБХГ бўлган беморларнинг клиник натижалари суви буғи билан простата бези 
аблациясининг самарадорлиги ва хавфсизлигини кўрсатилди [48]. ҚСҲ частотасида 
сезиларли ўзгаришлар бўлмади. Жарроҳликдан икки ҳафта ўтгач, ҳаёт сифати 
кўрсаткичлари статистик жиҳатдан сезиларли даражада яхшиланди. IPSS, Qmax, BPHII, 
Overactive Bladder Questionnaire Short Form каби баҳоланувчи мезонлар бевосита 
таққосланганда сув буғи билан аблациянинг плацебо терапиясидан сезиларли даражада 
устунлиги тасдиқланди. Яқинда ушбу тадқиқотнинг икки йиллик натижалари чоп этилган, 
улар сув буғи билан конвекциявий аблациядан кейин барқарор клиник жавобни 
тасдиқлайди [48]. 

---

197 
Толерантлик ва хавфсизлик: 
усулнинг хавфсизлик профили яхши ва ножўя 
таъсирлар енгил ва ўрта даражада бўлиб, тезда йўқолади. Шуни таъкидлаш керакки, 
беморларнинг деярли 69 фоизида фақат оғиз орқали седация қилинган ва даволашнинг энг 
янги кам инвазивли усулларидан фарқли ўлароқ, таъсир простата безининг барча муҳим 
зоналарида, шу жумладан ўрта бўлакда муваффақиятли амалга оширилади. Сув буғи 
билан конвекциявий аблациядан кейин эректил ва эякулятор функцияни сақлаб қолиниши 
тасдиқланган сўровномалар, жумладан, ЭФХИ ва Male Sexual Health Questionnaire 
сўровноманинг эякулятор функция домени билан тасдиқланган [48]. 
Амалий масалалар: 
Клиник натижаларни тасдиқлаш ва узоқ муддатли 
самарадорлик ва хавфсизликни баҳолаш учун усулни стандарт аралашувлар билан 
таққослаш учун РНТ ўтказилиши керак.