Ўзбекистон Республикаси Соғлиқни сақлаш вазирининг

3.3.3. Гормонал даволаш 
Постменопаузал ёшдаги аёлларда перорал эстрогенлардан эмас, балки вагинал 
эстрогенлардан фойданилганда қайталанувчи СЙИ хавфининг камайиши тенденцияси 
кузатилган [123, 125]. 
 
3.3.4. Иммун-фаол препаратлар ёрдамида профилактика қилиш 
ОМ-89 (Уро-Ваксом) самарадорлиги яхши тавсифланган ва бир қатор РКТ лар 
плацебодан устунлигини ва хавфсизлик профили яхши эканлигини кўрсатди ва шунинг 
учун уни қайталанувчи СЙИ бўлган аёлларда иммунопрофилактика мақсадида тавсия 
этиш мумкин [123, 126-128]. Беморларнинг бошқа гуруҳларида унинг самарадорлигини ва 
антибиотикларга нисбатан самарадорликни аниқлаш керак. 
3.3.5. Пробиотиклар ёрдамида профилактика қилиш (лактобактериялар 
штаммлари) 
Яқинда ўтказилган мета-анализ бўйича тўпланган йиғма маълумотларда 
лактобактерия препаратларининг қайталанувчи СЙИ профилактикаси учун самарадорлиги 
кўрсатилмаган [129]. Бироқ, мавжуд препаратларнинг самарадорлигидаги фарқлар шуни 
кўрсатадики, тавсия қилишдан олдин барча ён босадиган ёки қарши томонларини 
ўрганиш учун қўшимча тадқиқотлар ўтказиш керак. 
3.3.6. Клюква меваси шарбати ёрдамида профилактика қилиш 
Баъзи тадқиқотларда клюквани истеъмол қилиш аёлларда пастки сийдик йўллари 
инфекциясининг тез-тез қайталаниши ҳолатларини камайтиришда самарали эканлиги 
хақида натижалар олинган [130, 131]. Шу билан бирга, 24 та тадқиқотлар ва 4473 
беморларнинг мета-анализи шуни кўрсатдики, таркибида клюква мавжуд бўлган 
махсулотлар аёлларда симптоматик СЙИ билан касалланиш ҳолатини статистик жиҳатдан 
сезиларли даражада камайтирмайди [132]. Бир бирига қарама-қарши натижаларни ҳисобга 
олган ҳолда, клюква препаратларини кунлик истеъмол қилиш бўйича тавсиялар бериб 
бўлмайди. 
 
3.3.7. D-манноза билан профилактика қилиш 
Кўр қилишсиз рандомизацияланган плацебо-назоратли тадқиқотда D-маннозанинг
2 г кунлик дозасининг плацебодан устунлиги кўрсатилган ва қайталанувчи СЙИ нинг 
олдини олишда 50 мг нитрофурантоин билан тенглаштирилган [133]. Аммо, бу 
маълумотлар тавсия қилиш учун етарли эмас, шунинг учун D-маннозани ҳозирда фақат 
клиник тадқиқотлар доирасида қўллаш мумкин. 

---

106