Ўзбекистон Республикаси Соғлиқни сақлаш вазирининг

 
4.5. 
Кальций фосфат тошлари 
Кальций фосфат асосан икки хил минерал шаклида учрайди: карбонатапатит ва 
брушит. Карбонатапатитнинг кристалланиши рН > 6,8 да содир бўлади ва инфекция билан 
боғлиқ бўлиши мумкин. 
Брушит сийдикда рНнинг паст кўрсаткичида (6,5-6,8) ва юқори миқдордаги 
кальций (> 8 ммоль/кун) ва фосфатда (> 35ммоль/кун) кристалланади. Унинг 
кристалланиши СЙИ билан боғлиқ эмас. Кальций фосфат тошининг ҳосил бўлишининг 
мумкин бўлган сабабларига ГПТ, ПКА ва СЙИ киради. Ушбу ҳолатларнинг ҳар бирида 
даволаш турли хил усуллар билан амалга оширилади. 
 
4.5.1. Таҳислаш 
Ташхис қўйиш учун креатинин, натрий, калий, хлорид, ионлаштирилган кальций 
(ёки умумий кальций + албумин) ва ГПТ (кальций миқдори ошган тақдирда) учун қон 

---

76 
таҳлилини ўтказиш керак. Сийдикни таҳлил қилиш сийдик миқдори, рН қиймати ва 
солиштирма оғирлиги, кальций, фосфат ва цитрат даражасини аниқлашни ўз ичига олади. 
4.5.2. Натижаларни талқин қилиш ва этиология
Суюқликни истеъмол қилиш ва овқатланиш бўйича умумий профилактика чора-
тадбирларига риоя қилиш тавсия этилади. Кальций фосфат тошларини ташхислаш ва 
даволаш алгоритми иловаларда кўрсатилган. 
4.5.3. Медикаментоз даволаш
Одатда, кальций фосфати тошининг ҳосил бўлиши ГПТ ёки ПКА билан боғлиқ. 
Бирламчи ГПТ билан касалланган беморларнинг аксарияти жарроҳлик йўли билан 
даволашни талаб қилади, ПКАда эса медикаментоз коррекция тавсия этилади. Агар 
бирламчи ГПТ ёки ПКА ташхиси истисно қилинса, кальций фосфат тошларини 
медикаментоз даволаш сийдикдаги кальций миқдорини тиазидлар билан самарали 
камайтиришдан иборат бўлади. Агар сийдикнинг рН қиймати доимий 6,2 дан баланд 
бўлса, L-метионинни сийдикни нордонлаштириш учун қўллаш мақсадга мувофиқ бўлади, 
аммо у камдан кам қўлланилади ва тизимли ацидозга нисбатан динамик кузатувни талаб 
қилади. Инфекция туфайли ҳосил бўлган кальций фосфат тошлари учун «инфекцион» 
тошлар бўйича белгиланган тавсияларга риоя қилиш керак.