Ўзбекистон Республикаси Соғлиқни сақлаш вазирининг

Эндокрин бузилишларда бепуштлик. 
Коррекциаловчи гормонал даволаш амалга 
оширилади. Бу эмпирик эмас, балки мақсадга йўналтирилган бўлиши керак. Эндокрин 
касалликлар аниқланганда, эндокринологлар аралашишлари шарт.
 
Гиперпролактинемияда
гонадолибериннинг импульсли чиқарилиши тўхтайди. 
Гипофиз макроаденомасида трансфеноидал аденомектомия тавсия этилади.
Микроаденомада - кунига 5-10 мг дан бромокриптин билан даволаш тайинланади. 

---

282 
Қалқонсимон без касалликларида
бепуштлик учраши мумкин. Сперматогенезга 
тироид гормони даражасининг пасайиши ва кўпайиши таъсир қилади. Қалқонсимон без 
касалликлари эркакларнинг бепуштлик ҳолатларининг 0,5% билан боғлиқ бўлиб, улар 
яхши даволанади. Гипотиреоз ва тиреотоксикоз одатда клиник кўринишда бўлганлиги 
сабабли, барча бепушт эркакларда қалқонсимон без гормонлари миқдорини аниқлаш 
мақсадга мувофиқ эмас. 
Буйрак усти безларининг туғма гиперплазиясида
кўпинча 21-гидроксилаза 
етишмовчилиги кузатилади, мояклар ривожланмайди, чунки гонадотропик гормонлар 
секрецияси буйрак усти безидаги андрогенларнинг юқори даражаси билан бостирилади. 
Ушбу касаллик кам учрайди ва одатда балоғат ёшида намоён бўлади. Ташхис лаборатор 
усуллар билан қўйилади. Иккала жинсдаги беморларда ҳам асосий касаллик ва 
бепуштликни даволаш учун глюкокортикоидлар қўлланилади. 
Тестостероннинг ортиқча даражаси ва танқислиги.
Калманн синдроми 
гипофизнинг нормал ишлаши учун зарур бўлган гонадолиберин танқислиги билан 
ажралиб туради. Ушбу синдромда хорионик гонодотропин кунига 3 марта 1000-2000 ТБ 
мушак ичига ва менотропин (ЛГ ва ФСГ комбинацияда) 75 ТБ ФСГ ва 75 ТБ ЛГ ҳафтасига 
2 марта мушак ичига қўллаш самарали. Гипофиздаги патологик ўзгаришларда хорионик 
гонодотропин ва менотропин самарали ҳисобланади. ЛГ танқислиги (Паскуалини 
синдроми) фонидаги бепуштлик ҳолатида хорионик гонодотропин буюрилади. Ушбу 
дорилар инъекция учун мўлжалланган ва нарҳи қиммат бўлганлиги сабабли, эякулятда 
ҳаракатланувчи сперматозоидлар пайдо бўлиши биланоқ, улар дарҳол криоконсервация 
қилиниши керак. Одатда, бу 6-9 ойлик даволанишни талаб қилади.