Ўзбекистон Республикаси Соғлиқни сақлаш вазирининг

 
Тавсиялар 
ТД 
Катетерли беморларда симптомлар бўлмаган ҳолатда стериллик учун сийдикни 
экишни бажариш керак эмас. 
Кучли 
Пиурия КАСЙИнинг кўрсаткичи бўлиб ҳисобланмайди. 
Кучли 
Сийдик ҳиди ёки хира сийдикнинг мавжудлиги катетер-ассоциацияланган 
симптомсиз бактериурия ва КАСЙИнинг дифференциал белгиси бўлиб 
ҳисобланмайди. 
Кучли 
11
.5. Даволаш 
Қўзғатувчиларнинг кенг спектри ва антибиотикларга резистентлик эҳтимоли 
юқори бўлганлиги сабабли, гумон қилинаётган КАСЙИни антибактериал даволашни 
бошлашдан олдин, янги катетер киритилгандан сўнг экма учун сийдик олиниши 
керак [155]. Урологияда инфекцияларнинг глобал тарқалишини ўрганиш бўйича 
текширувларнинг (GPIU) натижаларига кўра, КАСЙИда уропатогенлар бошқа 
асоратланган СЙИ билан тенглаштирилади, шунинг учун симптомли инфекцияларда 
даволаш асоратланган СЙИ учун тавсияларга мувофиқ амалга оширилади [155]. Агар 
антибиотикларни эмпирик тарзда тайинлаш зарур бўлса, микроб манзараси натижалари ва 
гумон қилинган қўзғатувчининг резистентлигини баҳолашга таяниш керак. Бактериал 
экма мавжуд бўлганда даволаш антибиотикларга сезувчанлиги кўрсаткичлари бўйича 
тайинланади. 
КАСЙИ қайд этилган беморларда симптомларни ўз вақтида бартараф этиш билан 
тавсия этилган даволаш давомийлиги 7 кунни, кечиктирилган жавоб билан эса – беморда 
катетер қолишидан қатъи назар, 2 кундан 14 кунгача бўлган вақтни ташкил қилади [169]. 
КАСЙИнинг енгил кечишида беморларга левофлоксацин кунига 500 мгдан 5 кун 
давомида тайинланиши мумкин. Тавсиялар бериш учун бошқа фторхинолонлар бўйича 
адабиётларда етарли маълумотлар нашр этилган эмас. 
КАСЙИ билан касалланган 65 ёшдан кичик аёлларда, пиелонефрит симптомлари 
бўлмаган ҳолатда, катетерни олиб ташлагандан кейин уч кун давомида антибиотиклар 
курси тавсия этилади. Агар СЙИ ривожланиши вақтида катетер икки ҳафтадан кўп вақт 
давомида турса, симптомларни тезроқ ҳал қилиш ва кейинги катетер-ассоциацияланган 
бактериурия ва СЙИ хавфини камайтириш учун уни алмаштириш керак. Агар катетерни 
олиб ташлаш мумкин бўлса, антибактериал даволашни бошлашдан олдин сезувчанликни 
аниқлаш учун ўртача порциядаги сийдик намунасини экишни амалга ошириш керак [155]. 
Доимий ўрнатилган катетер ҳар бир беморга алоҳида белгиланган оралиқларда 
алмаштирилиши керак [170]. 

---

149