Ўзбекистон Республикаси Соғлиқни сақлаш вазирининг

4.13. 
Номаълум таркибли тошлар 
Хавф омилларини аниқлашнинг биринчи босқичи – бу анамнезни йиғиш ва уни 
синчковлик билан ўрганиш. Диагностик текширувлар тошларнинг бор ёки йўқлигини 
аниқлаш учун иккала буйракнинг УТТдан бошланади. Агар УТТда тошлар аниқланса, 
катта ёшдаги беморларда кальцийли ва кальцийсиз тошларни фарқлаш учун умумий 
урография ва мультиспирал контрастсиз КТ ўтказилади. 
Қон таҳлиллари ёрдамида жиддий метаболик ва органик касалликлар, шу 
жумладан буйрак етишмовчилиги, ГПТ ёки бошқа гиперкальциемия ҳолатлари ва 
гиперурикемия ҳақида маълумотлар олиниши мумкин. Шунингдек, болаларда булардан 
ташқари гипероксалемия учун текширув ўтказилади. 
Сийдикни текшириш тест-қоғозчалар ёрдамида стандарт таҳлил юқорида 
кўрсатилганидек амалга оширилади. Агар инфекция белгилари мавжуд бўлса, сийдик 
экилади. Кун давомида 5,8 дан паст доимий pH қиймати сийдик кислотасининг 
кристалланишига олиб келади. Кун давомида 5,8 дан баланд доимий pH қиймати агар 
СЙИ истисно қилинган бўлса, БКА мавжудлигини тасдиқлайди.
Сийдик чўкмасининг микроскопиясида ноёб тош турлари аниқланади, чунки 2,8-
дигидроксиаденин, цистин ва ксантиннинг кристаллари мавжудлиги тегишли тошлар учун 
патогномоник ҳисобланади. Агар цистин мавжудлигига шубҳа туғилса, сийдикда уни 
аниқлаш учун цианид-нитропруссид билан сифатли колориметрик тест ўтказилади. 
Усулнинг сезувчанлиги 72%, спецификлиги 95%ни ташкил қилади. Фанкони синдроми 
ёки гомоцистинурия билан хаста беморларда ёки турли дори воситаларини, жумладан 
ампициллин ёки сульфамид препаратларини қабул қилувчи беморларда ёлғон мусбат 
натижалар олиниши мумкин [283, 290]. 
Санаб ўтилган таҳлилларга асосланиб, эҳтимоли катта бўлган конкремент турини 
аниқлаш ва тегишли текширувларни ўтказиш мумкин. Бироқ, беморда кўчган тошлар ёки 
қумлар мавжуд бўлганда, ташхисини тасдиқлаш ёки коррекция қилиш учун уларнинг 
таҳлили ўтказилиши керак.