227-модда. Ҳужжатлар, штамплар, муҳрлар,
бланкаларни, автомототранспорт воситаларининг ва улар
тиркамаларининг (ярим тиркамаларининг) давлат рақам
белгиларини эгаллаш, нобуд қилиш, уларга шикаст
етказиш ѐки уларни яшириш
Корхоналар, муассасалар, ташкилотларнинг қатъий ҳисобидаги ҳужжатлар,
штамплар, муҳрлар, бланкаларни, шунингдек автомототранспорт воситаларининг ва
улар тиркамаларининг (ярим тиркамаларининг) давлат рақам белгиларини эгаллаш,
худди шунингдек уларни нобуд қилиш, уларга шикаст етказиш, уларни яшириш
ғаразгўйлик ѐки бошқа паст ниятларда содир этилган бўлса, -
)
энг кам ойлик иш ҳақининг йигирма беш бараваригача миқдорда жарима ѐки уч
юз соатгача мажбурий жамоат ишлари ѐхуд икки йилгача ахлоқ тузатиш ишлари билан
жазоланади.
)
Ўша ҳаракатлар:
а) паспорт, ҳарбий билет ѐки бошқа муҳим шахсий ҳужжатларга нисбатан ѐхуд
ўта муҳим аҳамиятга эга бўлган ҳужжатлар, штамплар, муҳрлар, бланкаларга нисбатан
содир этилган бўлса;
б) оғир оқибатларга сабаб бўлса, -
энг кам ойлик иш ҳақининг эллик бараваридан юз бараваригача миқдорда
жарима ѐки уч юз соатдан уч юз олтмиш соатгача мажбурий жамоат ишлари ѐхуд икки
йилдан уч йилгача ахлоқ тузатиш ишлари ѐки бир йилдан уч йилгача озодликни
чеклаш ѐки уч йилгача озодликдан маҳрум қилиш билан жазоланади.
228-модда. Ҳужжатлар, штамплар, муҳрлар,
бланкалар тайѐрлаш, уларни қалбакилаштириш,
сотиш ѐки улардан фойдаланиш
Сохталаштирувчининг ўзи ѐки бошқа шахс фойдаланиши мақсадида муайян
ҳуқуқ берадиган ѐки муайян мажбуриятдан озод этадиган расмий ҳужжатлар
тайѐрлаши ѐки расмий ҳужжатларни қалбакилаштириши ѐхуд бундай ҳужжатларни
сотиши, шундай мақсадларда корхона, муассаса ѐки ташкилотнинг қалбаки
штамплари, муҳрлари, бланкаларини тайѐрлаш ѐхуд сотиш -
энг кам ойлик иш ҳақининг эллик бараваридан юз бараваригача миқдорда
жарима ѐки уч юз олтмиш соатгача мажбурий жамоат ишлари ѐхуд уч йилгача ахлоқ
тузатиш ишлари билан жазоланади.
Ўша ҳаракатлар:
а) такроран ѐки хавфли рецидивист томонидан;
б) бир гуруҳ шахслар томонидан олдиндан тил бириктириб содир этилган бўлса,
-
икки йилдан уч йилгача ахлоқ тузатиш ишлари ѐки уч йилдан беш йилгача
озодликни чеклаш ѐки уч йилдан беш йилгача озодликдан маҳрум қилиш билан
жазоланади.
Ҳужжатнинг қалбаки эканлигини била туриб, ундан фойдаланиш -
энг кам ойлик иш ҳақининг йигирма беш бараваридан эллик бараваригача
миқдорда жарима ѐки уч юз соатгача мажбурий жамоат ишлари ѐки икки йилгача
ахлоқ тузатиш ишлари ѐхуд икки йилгача озодликни чеклаш ѐки икки йилгача
озодликдан маҳрум қилиш билан жазоланади.
Do'stlaringiz bilan baham: |