Ўзбекистон Республикаси Президентининг 31

VI. Мулкнинг тасодифан нобуд бўлиши ёки тасодифан
шикастланиши хавфининг ўтиши:

6.1. Мулк Сотиб олувчига топширилгунига қадар Сотувчи унинг ёмонлашишига йўл қўймай сақланишини таъминлайди.

6.2. Мулк Сотиб олувчига топширилгунига қадар унинг тасодифан нобуд бўлиши ёки тасодифан шикастланиши хавфи Сотувчида қолади.
6.3. Мулк Сотиб олувчига топширилган вақтдан бошлаб унинг тасодифан нобуд бўлиши ёки тасодифан шикастланиши хавфи Сотиб олувчига ўтади.


VII. Олди-сотди шартномаси тегишли даражада бажарилмагани
ҳақида сотувчини хабардор қилиш:

7.1. Сотиб олувчи ўзига топширилган мулкни унга мансуб ашёларни ҳамда уларга алоқадор тегишли ҳужжатларни тўлиқлигича кўздан кечириб чиқиши лозим. Кўздан кечириш жараёнида аниқланган камчиликлар, етишмовчиликлар ва бошқа шартнома предмети билан боғлиқ эътирозларни топшириш-қабул қилиш далолатномаси тузилган кундан бошлаб 20 (йигирма) кун ичида Сотувчига ёзма равишда маълумот бериши лозим.

7.1. Сотиб олувчи шартноманинг 7.1-бандида кўрсатилган мажбуриятни бажармаган тақдирда, Сотувчи бу ҳол Сотиб олувчининг талабларини қаноатлантириб бўлмайдиган қилиб қўйганини ёки Сотувчи олди-сотди шартномаси шартлари бузилгани ҳақида ўз вақтида хабардор қилинганида сарфлаши мумкин бўлган маблағларга нисбатан номутаносиб харажатларга олиб келишини исботлаб, у Сотиб олувчининг тегишли талабларини қондиришдан тўлиқ ёки қисман бош тортишга ҳақли.
VIII. Тарафларнинг жавобгарлиги:

8.1. Тарафлар мазкур шартнома ва Ўзбекистон Республикасининг амалдаги қонун ҳужжатларида кўрсатилган ўз мажбуриятларини бажармагарлиги ёки лозим даражада бажармагарликлари учун жавобгар бўладилар.

8.2. Сотиб олувчи шартномада кўрсатилган мулк учун тўловларни кечиктирганлиги учун кечиктирилган ҳар бир иш кунига ўз вақтида тўланмаган сумманинг 0,04 фоизи миқдорида лекин умумий сумманинг 50 фоизидан ошмаган миқдорда пения тўлайди.
8.3. Олди-сотди шартномаси бажарилгунга қадар вужудга келган асослар бўйича учинчи шахслар сотиб олувчидан мулкни олиб қўйган ҳолларда Сотувчи Сотиб олувчига у кўрган зарарни қоплаши лозим, Сотиб олувчи бундай асосларнинг мавжудлигини билган ёки билиши лозим бўлган ҳоллар бундан мустасно.
8.4. Мулк Сотиб олувчига топширилгунига қадар у билан боғлиқ ҳолда вужудга келган коммунал тўловлар, солиқлар ва бошқа қарздорликлар бўйича жавобгарлик Сотувчи зиммасида қолади.