Ўзбекистон республикаси президенти ҳузуридаги давлат бошқаруви академияси янги ўзбекистон – янгича дунёқараш

3.2.-диаграмма. Ўзбекистонда ишлаб чиқариладиган умумий экспорт ҳажмида худудларнинг улуши

Ўзбекистон Республикаси Президентининг 2020 йилнинг 9 январдаги “Ўзбекистон Республикасининг 2020-2022 йилларга мўлжалланган инвестиция дастурини амалга ошириш чора-тадбирлари тўғрисида”ги ПҚ-4563-сон Қарорини ижросини таъминлаш мақсадида 850,5 триллион сўм инвестициялар, шу жумладан 35,5 миллиард АҚШ доллари миқдоридаги хорижий инвестициялар ўзлаштирилишини назарда тутувчи 2020-2022 йилларда капитал қўйилмаларни ўзлаштиришнинг йиғма прогноз параметрлари, шунингдек, 2020-2022 йилларда инвестициялар ва кредитларни ўзлаштириш ҳамда жалб қилишнинг прогноз параметрлари ишлаб чиқилди; 206 та янги ишлаб чиқариш қувватлари ва 31 мингдан зиёд иш ўринлари яратилишини назарда тутувчи 2020 йилда йирик ишлаб чиқариш объектлари ва қувватларини ишга тушириш манзилли дастури амалга оширилмоқда. 2020 йил якунлари бўйича 5038 та экспортчилар фаолияти ўрганилди.¹⁶

Инвестиция сиёсатини юритишда давлат иштирокини пасайтириб, хусусий ва тўғридан-тўғри инвестициялар улушини ошириш керак.
Шавкат МИРЗИЁЕВ
Ўзбекистон Республикаси Президентининг 2020 йилнинг
18 августидаги “Республикада экспорт ва инвестиция салоҳиятини янада ривожлантиришга оид қўшимча чора-тадбирлар тўғрисида”ги ПФ-6042-сонли Фармонига асосан, экспорт салоҳиятини янада кенгайтириш, инвестиция дастурларига киритилган лойиҳалар, халқаро молия институтлари ва хорижий ҳукумат молия ташкилотлари иштирокидаги инвестиция лойиҳалари ҳамда олий даражадаги ташрифлар давомида имзоланган ҳужжатларни амалга ошириш бўйича «йўл хариталари»га киритилган тадбирларнинг ижросини ўз вақтида ва сифатли таъминлаш, илм-фан ва инновация ютуқларни кенг жорий этган ҳолда ҳудудларда «саноат кластерлари»ни ташкил этиш масаласи қўйилган.¹⁷
Ўзбекистон Республикаси Президенти Шавкат Мирзиёев таъкидлаганидек Геология соҳасида 2020 йилда 21 та кон ва истиқболли майдонлар очиқ аукцион орқали инвесторларга сотилди. 2021 йилда яна 50 та кон ва истиқболли майдонлар маҳаллий ва чет эллик инвесторларга очиқ механизмлар асосида сотилади. Бундай ишларни бошқа йўналишларда ҳам давом эттиришимиз керак. 2021 йилда 23 миллиард доллар қийматидаги инвестицияларни ўзлаштириш зарур. Натижада 226 та йирик саноат ва инфратузилма объектлари ишга туширилади. Навоий кон-металлургия комбинатида 2 та йирик металлургия заводи, Олмалиқ кон-металлургия комбинатида техноген рудани қайта ишлаш заводи, шунингдек, республикамиз бўйича тўқимачилик, қурилиш материаллари, чарм-пойабзал, озиқ-овқат ва фармацевтика тармоқларида юзлаб янги ишлаб чиқариш қувватлари барпо этилади.¹⁸
Юқоридаги таҳлилий маълумотлар, фикр-мулоҳазалар асосида хулоса қилиш мумкинки, самарали рақобат муҳитини яратиш мақсадида олиб борилаётган ишлар мамлакатимизда ишбилармонлик ва инвестиция муҳитини тубдан яхшилаш, иқтисодиётдаги давлат иштирокини қисқартириш, нархни ортиқча тартибга солишдан воз кечишга қаратилган.
Зеро, чуқур ўйланган ҳамда босқичма-босқич юритилаётган иқтисодиётнинг барқарор ривожлантириш сиёсати ташқи бозорларда товарлар ва хизматлар рақобатбардошлигини оширишда инновация, янги кўринишда маҳсулот (товар, иш, хизмат) яратилишини ёки такомиллаштирилишини, ташқи бозорларда бизнесни юритишда янги ташкилий усулларнинг жорий қилинишини, қулай инвестициявий муҳитни яратилишини ёки янги шаклда ташқи иқтисодий ҳамкорлик алоқалари ўрнатилишини ўзида мужассамлаштирган фаолиятнинг якуний натижасидир.