Zbekiston respublikasi oliy va

Topshiriq:

1. 
   O‘zbekiston Milliy kutubxonasiga a’zo bo‘lganmisiz? U yerda siz ko‘proq qaysi kitoblarni o‘qiysiz, shu haqda gapirib bering.
   
2. 
   Kutubxonadan tashqari yana qanday “ma’rifat o‘choqlari”ni bilasiz? Shu haqda og‘zaki gapirib bering.
   
3. 
   Kutubxona taassurotlari va unda yaratilgan sharoitlar haqida matn tuzing.
   

Vazifa: Internet ma’lumotlari asosida dunyoning eng katta va mashhur kutubxonalari haqida qiziqarli matn tayyorlang.

G RAMMATIKA: ERKIN VA TURG‘UN BIRIKMALAR. FRAZEOLOGIK BIRLIKLARNING TURLARI VA USLUBIY XUSUSIYATLARI.

So‘z birikmasida so‘zlar o‘zaro erkin bog‘langan bo‘ladi: tushuncha anglatadi, turg‘un bog‘lanma (ibora)larda esa so‘zlar ma’noviy butunlik uchun birlashgan – yaxlitlangan bo‘ladi va bir leksik ma’no anglatadi.

Turg‘un bog‘lanma (ibora)ga bir so‘z sifatida qaraladi, lug‘atlarda so‘zlar qatorida beriladi, chunki ular ham so‘zlar kabi ma’no ifodalaydi. Masalan, ko‘zini yog‘ bosgan – “mag‘rurlangan”, yog‘ tushsa yalaguday iborasi – “toza”, to‘nini teskari kiyib olmoq iborasi – “qaysarlik qilmoq” ma’nosini beradi, ammo bu ma’nolarni oddiy emas, obrazli tarzda ifodalaydi.

So‘z birikmalaridagi so‘zlarni, erkin bog‘langanligi uchun, almashtirish mumkin, turg‘un bog‘lanma (ibora)lardagi so‘zni almashtirib bo‘lmaydi, ular bir ma’no ifodalash qonuniyati asosida turg‘unlashgan, yaxlitlangan bo‘ladi: bo‘yniga qo‘ymoq (iqror qilmoq), ko‘nglidan o‘tkazmoq (o‘ylamoq), o‘pkasi yo‘q (hovliqma) kabi.