Zbekiston respublikasi oliy va o‘rta maxsus ta’lim vazirligi

Kechirim so‘rash. O‘zbek madaniyatida o‘ng qo‘lni ko‘ksiga qo‘yib, koreys va yapon madaniyatida ta’zim qilib, kechirim so‘raladi. Koreys kundalik muomala madaniyatida biron nojoiz harakat sodir bo‘lganda kattalarning, shuningdek, boshliqlarning qarshisida tiz cho‘kib (“murip kkulda”) kechirim so‘rash odati keng tarqalgan. Hokim sinf qarshisida tiz cho‘kib “bir qoshiq qonimdan keching” deya kechirim so‘rash odati bir paytlar o‘zbeklarda ham bo‘lgan, biroq hozirgi kunda bu odat yo‘qolib ketgan.

Koreys noverbal muloqotida “kechirim so‘rash” hamda “o‘tinib so‘ramoq, iltijo qilmoq, yolvormoq” (“bilda”) ma’nolari kaftlarni bir-biriga ishqalash orqali anglashiladi. O‘zbek noverbal muloqotida ushbu harakat “umidvor bo‘lmoq” ma’nosini bildiradi⁶⁰.

Yapon madaniyatida kechirim so‘rash a) ta’zim vositasida ifodalanishi bilan birga, b) bir qo‘lni ko‘ksiga ko‘tarib, keyin uni xuddi biron nima kesayotgandek ikki yoki uch marta oldinga harakatlantirish, c) kaftlarni birlashtirish, d) peshanasiga bir necha marta urish, e) qo‘llarini boshi uzra ko‘tarib, kaftlarni birlashtirish kabi qo‘l harakatlari vositasida kulimsirab amalga oshiriladi.

O‘zbek madaniyatida peshanasiga urish qo‘l harakati “e, attang” ma’nosida, koreys madaniyatida esa “qilgan ishidan afsuslanish, pushaymon bo‘lish” (“shilsu”) ma’nosida qo‘llaniladi.