Zbekiston respublikasi oliy va o ‗ rta maxsus ta`lim vazirligi

NURALI QOBUL OLAMI 

Abdunabi TO„YCHIEV,  

 tayanch doktorant (GulDU) 

 

Jamiyatdagi  islohatlarning  muvaffaqiyati  ko‗p  jihatdan  shu  jamiyat 

a‘zolarining  ma`naviy-intellektual  saviyasiga  bog‗liqdir.  Har  qanday  inson 

ma`naviyatini  shakllantirishda  esa  badiiy  adabiyot  keng  imkoniyatga  ega.  Shu 

ma`noda,  o‗zbek  nasrida  Nurali  Qobul  ijodini  tizimli  ravishda  o‗rganish  zarurati 

mavjud.  Mazkur  maqolada  adibning  70  yoshga  to‗lishi  munosabati  bilan  ijodiga 

sarhisob sifatida nazar solinadi. 

Nurali  Qobul  asarlari  bilan  adabiyot  rivoji  va  jamiyat  taraqqiyotiga  o‗z 

hissasini  qo‗shgan  ulkan  ijodkordir.  N.  Qobul  yetmishinchi  yillarning  ikkinchi 

yarmida  adabiyotga  kirib  keldi.  ―Uning  qissa  va  hikoyalaridan  iborat  ―Oyqor‖ 

(1978), ―Salom, tog‗lar!‖ (1979) kabi to‗plamlari ketma-ket paydo bo‗ldi. Har ikki 

to‗plam  ham  kitobxon  va  adabiy  tanqid  tomonidan  qizg‗in  bahsga  sabab  bo‗ldi. 

Unda  urush  davri  fojealari, urf-odat  va  oilaviy  kelishmovchiliklar,  yoshlar  taqdiri 

va sevgisi haqidagi falsafiy mushohadalar o‗quvchi qalbini to‗lqinlantirgan edi...‖, 

- deb yozadi adabiyotshunos Sobir Mirvaliyev [1, 223]. 

Yozuvchiga  katta  shuhrat  keltirgan,  dovrug‗ini  qo‗shni  respublika 

kitobxonlariga  ham  tanitgan  ―Tubsiz  osmon‖  qissasi  1976-1980  yillarda  yozildi. 

Asar  adabiy  jarayonda  jiddiy  voqea  sifatida  e`tirof  etildi,  adibga  katta  shuhrat 

keltirdi.  

Moskvada deyarli uch yarim million nusxada nashr etilgan ―Yunost‖ jurnali 

orqali  ―Tubsiz  osmon‖  qissasi  ―Nebo  tvoego  detstva‖  nomi  bilan  sobiq  Ittifoq 

---

489 

 

kitobxonlariga  taqdim  etildi.  Toshkent  va  Leningraddagi  rus  yosh  tomoshabinlar 

teatrida  ―Tubsiz  osmon‖  qissasi  asosida  spektakl  sahnalashtirildi.  Butunittifoq 

―Yunost‖ jurnalining 1981 yil 1-sonida chop etilgan ―Nebo tvoego detstva‖ qissasi 

uchun  ―Zelenogo  listka  –  81‖  mukofoti  berildi.  Shuningdek,  sobiq  itifoq 

yozuvchilar uyushmasining  1981-1982  yilgi  yosh  ijodkorning eng  yaxshi  birinchi 

kitobi uchun beriladigan Butunittifoq konkursi mukofotiga sazovor bo‗ldi. 

Asar  rus, qirg‗iz, qoraqalpoq  tillariga  o‗girildi. ―Tubsiz osmon‖  qissasining 

jurnal  va  kitob  holidagi  adadi  o‗n  million  nusxadan  oshdi.  Hatto  hozirgacha 

adabiyotimizda  bir  asarning  qisqa  muddatda  keng  tarqalishi  jihatidan  kam 

uchraydigan  hodisadir.  Qissaga  mashhur  munaqqidlar,  taniqli  adabiyotshunos 

olimlar  tomonidan  ijobiy  taqrizlar  berildi.  Bu  asarni  o‗qigan  Chingiz  Aytmatov 

―Nurali  haqiqiy  yozuvchi,  undagi  yangilik  va  beg‗uborlik  hech  kimda  yo‗q‖,  - 

degan edi. Shaxsan uning tashabbusi bilan asar qirg‗iz tiliga tarjima qilinadi. 

Nurali  Qobulning  katta  ijodida  hikoyalari  ham  muhim  o‗rin  tutadi. 

Hikoyalarini  qayta-qayta  o‗qish  jarayonida  tug‗ilgan  ba`zi  kuzatishlarimni  aytib 

o‗tmoqchiman. 

Nurali  Qobul  ijodiga  xos  xususiyatlardan  biri  -  dunyoga  bola  nigohi  bilan 

nazar  tashlashdir.  Adibning  o‗ttiz  uch  hikoyasidan  sakkiztasi  bola  tilidan  hikoya 

qilinadi.  Bu  hikoyalarda  voqealar  bayoni  birinchi  shaxs,  ya`ni  ―men‖  tilidan  olib 

boriladi. Asarlardagi hikoyachi  – bo‗layotgan  voqealarning  ishtirokchisi, ularning 

shohidi  yoki  ulardan  xabardor  bolakay.  Asar  voqealarining  birinchi  shaxs  tilidan 

bayon  qilinishi  hikoyachi  qahramonning  ruhiy  holatini,  qalb  kechinmalarini 

ochishda  qo‗l  kelgan.  Bunga  misol  uchun  ―Oq  kaptarlar‖,  ―Do‗stmurod  bobo‖, 

―Savob‖, ―Ozor‖ hikoyalarini keltirishi mumkin. 

Shuningdek,  yozuvchining  o‗n  ikki  qissasidan  uch  qissasi  (―Sangzor‖, 

―Yangi qor yoqqan kun‖, ―Sening bolalik osmoning‖) bola tilidan hikoya qilinadi. 

―Yashash  uchun  kechikma‖  va  ―Bug‗doy  pishig‗iga  yetmaganlar‖  qissalarida 

hikoyachi asar personajlaridan biri, asar voqealarining ishtirokchisidir.  

 Nurali  Qobul  enasi  Shahzoda  Ibrohim  Sulton  qizini  ehtirom  bilan  eslaydi. 

―Vujudimda zarracha ezgulik tuyg‗usi bo‗lsa bu o‗sha - enamdan o‗tgan‖, - deydi 

adib  [2,  12].  Balki,  shu  sabablidir,  yozuvchi  sakkizta  hikoyasida  enasi  Shahzoda 

momo  siymosini  chizadi.  Uch  qissasida  enasi  Shahzoda  momoni  ehtirom  bilan 

eslaydi.  ―Sening  bolalik  osmoning‖  qissasini  esa  yozuvchi  enasining  xotirasiga 

bag‗ishlaydi. ―Savob‖ hikoyasi, ―Yangi qor yoqqan kun‖, ―Sangzor‖ qissalari ona 

va  bola  muloqati  asosiga  qurilgan.  Bu  hikoya  va  qissalarida  ena  obrazi 

yozuvchining o‗z fikrlarini bayon etishida qo‗l keladi.  

Nurali  Qobul  ijodida  ―Unutilgan  sohillar‖  [3]  roman-monologi  alohida 

ahamiyatga  ega.  Bu  asar  yozuvchi  ijodi  va  shaxsiyatini  belgilovchi  asosiy 

mezondir. 

―Unutilgan sohillar‖ Nurali Qobulga katta shon-shuhrat keltirdi. Yaxshi asar 

sifatida adabiy jamoatchilik e`tiborini tortdi. Adib bu asari bilan katta nasrda ham 

yaxshi  asarlar  yarata  olish  imkonini  ko‗rsatdi.  Roman  rus  va  turk  tillarida  ko‗p 

nusxada chop etildi. 

---

490 

 

Bu  roman  o‗quvchilar  ko‗nikib  qolgan  odatdagi  romanlardan  emas.  Asar 

mutlaqo  boshqacha,  roman-monolog  tarzida  yozilgan.  Voqealar  bayoni  uchinchi, 

to‗rtinchi, balki undan ham keyingi o‗rinlarda turadi. Shaxsan o‗zim shu paytgacha 

qancha kitob o‗qigan bo‗lsam ―roman-monolog‖ terminiga duch kelmagandim - na 

rus  adabiyotida,  na  jahon  adabiyotida.  Bu  asarni  o‗zbek  adabiyotida  yangi 

yo‗nalishda yozilgan asar deb bilaman. 

Voqealar bayoni ustunlik qilgan asarlarga o‗rganib qolganmiz uchun roman-

monologni  dastlab  ―hazm‖  qilolmadik.  Biz  voqealarga  emas,  odamlarga  duch 

keldik.  Chunki  yozuvchi  qahramonlarni  emas,  qahramonlar  o‗zlarni  tanishtiradi. 

Asarda qahramon nutqi orqali o‗z-o‗zini fosh etish san`ati qo‗llanilgan. Monologni 

eshitib  o‗sha  qahramonni  inson  deb  bilasiz,  uning  hayotda  borligiga  ishonasiz. 

Roman  voqealari  birgina  hikoyachi  -  personaj  tilidan  emas,  balki  bir  necha 

hikoyachi  –  personaj  tilidan  olib  borilgan.  Bu  esa  adibga  qahramonlarni  ham, 

voqea-hodisalarni ham turli nuqtai nazardan ochishga imkon bergan. 

Adabiyotshunos  Isroil  Mirzaev  ham  yozuvchining  qahramonlar  xarakterini 

berishda  ular  nutqi  orqali  o‗z-o‗zini  fosh  etish  san`ati  qo‗llaganini  yoqlaydi: 

―Nurali Qobul realistik prozada qo‗llaniladigan bu shakldan foydalanib to‗g‗ri yo‗l 

tutgan.  Chunonchi,  roman-monolog  davr,  odamlar,  tarixiy  vaziyat  haqida 

muallifning  erkin  fikrlashiga,  har  bir  fakt,  voqea-hodisa  to‗g‗risida  keng,  shaxsiy 

qarash va mulohazalariga chek qo‗ymasdan gapirish imkonini beradi‖ [4, 36]. 

Asarda  qahramonlar  bir-biri  bilan  muloqatga  kirishadi.  Asar  voqealarining 

birinchi  shaxs,  ya`ni  ―men‖  tilidan  hikoya  qilinishi  yozuvchi  uslubiga  xos 

xususiyat.  Romandagi  katta-katta  monologlar  o‗sha  obrazlar  talqiniga  ajratilgan. 

Asarda mingdan oshiq maqol, matal, xalq so‗zlari o‗z o‗rnida qo‗llanilgan [5, 3]. 

O‗zbekning  talantli  nosirlaridan  biri  Erkin  A‘zamov  uchrashuvda 

muxlisining ―Sizning qahramonlaringiz ko‗proq o‗zi bilan o‗zi suhbat quradi?...‖, - 

degan  savoliga  ―Menimcha  dunyodagi  real  odamlar  ham  o‗zi  bilan  o‗zi 

suhbatlashadi.  Ikki  kishi  suhbatlashganda  ham  bu  o‗z  dardini  aytadi,  u  ham  o‗z 

dardini.......‖, - deb javob bergani esimda. 

Roman  obrazlari  Shokir  Sharipov,  Karim  Usmonov  yoki  aytaylik  Adham 

Jobirovning  o‗zi  bilan  o‗zi  suhbatlashganini  eshitib,  Erkin  A‘zamovning 

yuqoridagi fikrini esladim. Haqiqatdan ham shunday. Buni hayotda bir kuzating-a, 

oddiy  so‗zlashuvda  ham  ikki  kishi  bir-birining  gapini  takrorlaydi.  Yoki  ―Azaga 

borgan  odam  o‗z  dardini  aytib  yig‗laydi‖  degan  gapni  eslang.  Dunyoda  manfaat 

tushunchasi,  insonda  manfaat  tuyg‗usi  bor  ekan,  yuqoridagi  fikrlarni  inkor  etish 

qiyin. Faqat yolg‗iz odamgina, faqat o‗zi qolgandagina to‗g‗risini aytadi, hatto eng 

yolg‗onchi odam ham. Odamning o‗zi bilan o‗zining suhbati o‗y-xayolidan o‗tgan 

gaplaridir.  

―Ushbu  qoralamada  kitobxonlar  uchun  mutlaqo  boshqacha  tilda 

gaplashaman. Sababi men uchun o‗z haqiqatlarimni aytmoqning o‗zga yo‗li yo‗q‖, 

- deydi adib [6, 18].  

Har  holda  men  yozuvchining  kuzatishlari  monolog  tarzida  berilishini 

olqishlagim  bor.  ―Bordi-yu  yozuvchi  yangi  shakl  izlayotgan  va  nimalargadir 

erishayotgan  bo‗lsa,  shaxsan,  men  bu  yozuvchining  yo‗nalishi  qaysi  yo‗nalishda 

---

491 

 

bo‗lmasin,  unga  halaqit  berishga  qarshiman...  Men  adabiyotda  hamma  narsa 

bo‗lishiga tarafdorman... Men har qanday izlanishlarga tarafdorman...‖ [7, 76]. 

―Unutilgan  sohillar‖  romanining  birinchi  variantini  o‗n  olti  kunda  yozib 

tugatganman. Keyin bir yil qayta ishladim. Yurakdan otilib chiqqan narsa uzoq va 

zerikarli holatda yozilmaydi. U chaqmoqdek sodir bo‗ladi‖, - deydi adib asarning 

tug‗ilish jarayoni haqida [8, 3]. 

-

 

 Adib faoliyatini davlat va jamoat ishlari bilan bog‗liq holda olib bordi. Faqat ijod 

bilan  cheklanmay  odamlarning  dardu  alami,  quvonchu  qayg‗usiga  sherik  bo‗ldi. 

Turli  darajadagi  rahbarlik  ishlarida  hamda  xalq  deputati  sifatida  ular  bilan  birga 

bo‗ldi. 

Mustaqillik  ostonasida  yoki  dastlabki  tahlikali  qiyin  yillarda  dolzarb 

muammolar  yechimiga  qaratilgan,  ma`naviyatni  yuksaltirishga  xizmat  qiladigan, 

xalqni  sergaklantiradigan  publitsistik  asarlar  yozdi.  Asar  darajasidagi  maqolalar 

yaratildi.  Misol  uchun  ―Oshga  sig‗inish‖,  ―Millatni  ma`naviyat  yuksaltiradi‖, 

―Haqiqatni hayqirib ayt‖, ―Dard boru...‖, ―Vatan va haqiqat‖, ―Xiyonat‖, ―Chorasiz 

dard  yo‗q‖,  ―Non  va  demokratiya‖,  ―Butun  millat  bo‗laylik‖,  ―Ozodlikning  oltin 

ostonasida‖,  ―Jahonga  yuz  burgin,  Vatan!‖,  ―Katta  haqiqat  nuri‖  kabi 

publitsistikaning  go‗zal  namunalarini  yaratdi.  Bu  publitsistik  asarlardagi  ayrim 

muammolar  hozirga  qadar  o‗z  yechimini  topgani  yo‗q,  maqola  muammosi 

dolzarbligicha qolmoqda. 

Turk  adabiy  tanqidchisi  Farid  Ongeren  Aziz  Nesin  hikoyalarining  ijtimoiy-

ma‘rifiy qimmatini ta`kidlab: ―Aziz Nesin hikoyalari bebaho hujjatlardirkim, ular 

asosida kelgusida mamlakatimizning muayyan davrini o‗rganish mumkin‖, - degan 

edi [9, 326]. Agar ta‘bir joiz bo‗lsa, mumkin bo‗lsa xuddi shu ma`noda men ham 

to‗qsoninchi  yillardagi  ijtimoiy-siyosiy  vaziyatni  bilish  uchun  N.Qobul 

publitsistikasiga murojaat etishlarini tavsiya etgan bo‗lardim. 

 Bundan  qariyb  qirq  besh  yillar  muqaddam  O‗zbekiston  xalq  yozuvchisi, 

O‗zbekistonda xizmat ko‗rsatgan san`at arbobi Rahmat Fayziy endigina ―Oyqor‖i 

chiqqan  Nurali  Qobulni  ―Umidli  qalam  sohibi‖  deb  bilgandi:  ―Adabiyotimizga 

yangi bir iste`dod kelib qo‗shilayotgani ko‗rinib turibdi. Shunisi bizni quvontiradi. 

Yana  bir  narsa  –  iste`dodning  eng  birinchi  talabi  –  mehnat  va  yana  mehnat 

ekanligini,  ana  shu  mashaqqatsiz  har  qanday  iste`dod  bir  chaqa  ekanligini  yaxshi 

tushuna  bilishi  va  bunga  amal  qilishi  bizni  quvontiradi.  Badiiy  ijod  dargohiga  oq 

yo‗l tilayman, bosgan qadaming qutlug‗ bo‗lsin, Nurali!‖ [10, 222]. 

Adibning qadami qut-barakali bo‗ldi. U adabiyotga shaxdam qadamlar bilan 

kirib  keldi  va  uning  katta  oqimidan  o‗z  joyini  topa  oldi.  Bu  davr  jarayonida 

yozuvchining  ijodiy  evolyutsiyasini  kuzatishimiz  mumkin.  Bugungi  kunda  uning 

ming-minglab  o‗quvchilari  bor.  U  adabiyotda  o‗z  uslubini,  o‗z  qiyofasini  yarata 

oldi.  Ijodi  haqida  adabiyotshunos  olimlar  va  ijodkorlar  ijobiy  fikrlarini 

bildirishgan.  

    

Nurali Qobul o‗ttizdan oshiq hikoyasi, o‗n ikki qissasi, ikki essesi, she`rlari, 

tarjimalari, publitsistikasi, ocherklari, roman-monologi, etti kitobdan iborat roman-

pamfleti,  ―Temuriylar‖  epopeyasi  turkumidagi  o‗n  yeti  jildli  romanlari  bilan 

adabiyotimiz rivojiga hissa qo‗shdi.Tarjimon sifatida G.Markesning ―Tanholikning 

---

492 

 

yuz yili‖ romani (A.Jo‗raboev bilan hamkorlikda), Ch.Aytmatovning ―Bolaligim‖ 

qissasini ona tilimizga o‗girdi.  

Nurali  Qobulning  milliy  va  jahon  adabiyotida  voqea  sifatida  e`tirof 

etilayotgan, yuz ellik yillik temuriylar saltanati va Buyuk Temur, Turon yurtining 

X – XV asrlar tarixiga bag‗ishlangan romanlaridan iborat ―Temuriylar‖ epopeyasi 

o‗n etti kitobining elektron varianti ingliz va o‗zbek tillarida o‗qishga tayyorlandi. 

―Temuriylar‖  epopeyasining  birinchi  kitobi  ―Buyuk  Turon  amiri  yoxud  aql  va 

qilich‖ romani jahon ―Amazon‖ internet tarmog‗i orqali ingliz tilida o‗quvchilarga 

havola etildi. 

Asarlari rus, qirg‗iz, tojik, qoraqalpoq, turk, ingliz, ukrain, ispan, bolgar va 

boshqa  xorijiy  tillarga  tarjima  qilingan.  Sobiq  ittifoqning  M.Gorkiy,  B.Polevoy, 

mukofotlari laureati; Xalqaro Ahmad Yassaviy mukofoti laureati; Xalqaro Chingiz 

Aytmatov akademiyasining akademigi. 

Ko‗rinadiki, Nurali Qobul ijodi yuksak cho‗qqiga ko‗tarilgan, gullagan fasli. 

Albatta,  bir  maqolada  hammasiga  to‗xtalish,  fikr  yuritish  imkoniyatdan  tashqari 

ish. Ularning har biri  bir  olam. Biz  bugun  faqat ijodiga umumiy  bir  nazar  soldik, 

xolos. Muhimi, adibning samarali mehnati natijasida yaratilgan asarlari kitobxonlar 

qalbidan joy oldi. Ijod ahli uchun bundan ortiq baxt bo‗lmasa kerak.  

Foydalangan adabiyotlar: 

1.

 

Mirvaliyev S. O‗zbek adiblari. – T.: Fan, 1993. 

2.

 

Nurali Qobul. Vatandin yaxshi yor o‗lmas. Saodat, 1991. 3 - son. 

3.

 

Nurali Qobul. Unutilgan sohillar. – T.: Yosh gvardiya, 1988. 

4. Mirzayev I. Adabiyot va davr dardi. – T.: Fan, 1990. 

5. Nurali Qobul. Vatanni anglamoq yo‗lida...Xabar, 1993. 46 - son. 

6. Qobul Nurali. Muallif o‗z asari haqida (―Unutilgan sohillar‖) Yoshlik,1988. 8 - 

son. 

7. Mirzayev I. Nasrimiz badiiy olami. Bekmirzayev N. Jasoratning badiiy talqini. – 

T.: Adabiyot va san`at. 1991. 

8. Nurali Qobul. Vatan va millat qadriga yetgan haqqa yetadi... Jizzax haqiqati, 

1994. 31-son. 

9. Karimov N., Nazarov B., Normatov U., Yo‗ldoshev Q. Umumiy o‗rta ta`lim 

maktablarining 11- sinfi uchun adabiyot darsligi. – T.: O‗qituvchi, 2004. 

10. Fayziy R. Do‗stlar mehri. – T.: Yosh gvardiya, 1983.