Ўзбекистон республикаси олий ваўрта махсус

2. МАЛАКАВИЙ АМАЛИЁТНИНГ ДАСТУРИ

Амалиёт ўтиш даврида талабалар соҳага оид кафедра, ишлаб чиқариш корхоналари ва ташкилотларининг иш фаолияти билан танишиб, уларда таълим даврида олинган назарий билимларини амалиётда қўллаш орқали мустаҳкамлайдилар.

Амалиёт ўташ даври мобайнида талабалар қуйидагиларни ўзлаштиришлари лозим:

• 
  институтда ўқитилаётган фанлардан олинган назарий билимларини чуқурроқ ўзлаштириш;
  
• 
  саноат корхоналари ва ташкилотларда мавжуд замонавий ҳисоблаш техникасида амалий ишлаш билимига эга бўлиш;
  
• 
  компьютер техникаси, назорат ўлчов асбоблар, автоматика воситаларининг техник тавсифларини амалий тадқиқ этиш;
  
• 
  ўзининг соҳаси бўйича илғор техника, замонавий технология ва шунга ўхшаш воситаларни қўллаш;
  
• 
  технологик жараёнларда қўлланиладиган техник қурилмаларнинг структуравий ва функционал тузилмасини ўрганиш;
  
• 
  Танланган объектнинг автоматлаштиришининг типик ечимларини ўрганиш;
  
• 
  Қўлланадиган назорат-ўлчаш асбобларнинг ишлаш принципини ўрганиш.
  
• 
  Назорат қилиш ва автоматлаштириш воситаларини ўрнатиш ва созлаш усулларини ўрганиб чиқиш керак.
  

Булардан ташқари амалиёт ўташ жойида корхона структураси ва меҳнатни ташкил этиш билан боғлиқ бўлган масалаларни ўрганиб ҳисоботда акс эттиришлари керак.
Амалиёт даврида талабалар қўшимча топшириқни ҳам бажарадилар. Қўшимча топшириқ ишлаб чиқариш корхонаси ва ташкилотларнинг шарт шароитларидан келиб чиққан холда амалиёт раҳбари томонидан берилади.
Қўшимча топшириқни бажариш даврида талаба техник ечимларни ишлаб чиқаришни ташкил этишни ва иқтисодиётни ўрганишни, шу нуқтаи назардан келиб чиққан ҳолда янги техника билан танишишлари керак.

3. МАЛАКАВИЙ АМАЛИЁТНИНГ ТАШКИЛ ЭТИЛИШИ

Малакавий амалиёт 3 босқич талабалари учун назарий таълимни тамомлаганларидан сўнг 10 ҳафта давомида олиб борилади. Амалиёт давомийлиги якшанба ва шанба кунларидан ташқари 50 кунни ташкил этади. Юқoридa кeлтирилгaн вaзифaлaр aсoсидa тaлaбa малакавий aмaлиётини қуйидaгичa ўтиш зaрур:

Малакавий амалиётни бошлашдан олдин талаба:

• 
  кафедрадан амалиётга топшириқ олиши;
  
• 
  амалиётни ўтиш учун корхонага ўз вактида етиб келиши;
  
• 
  зарур бўлган хужжатларни тўлдириши (гувохнома, йўлланма) зарур.
  

Кафедрадан тайинланган раҳбари билан бирга корхонага етиб келгандан сўнг талаба қуйидагидарни бажариши керак:

1. 
   Зарур бўлган хужжатларни расмийлаштириш (қисқа муддатли пропуск, ётоқхона олиш, командировка гувоҳномасини белгилатиши ва бошқалар).
   
2. 
   Техника хавфсизлиги бўйича инструктаж ўтиш.
   
3. 
   Корхонадан тайинланган раҳбар билан танишиш.
   
4. 
   Корхонанинг, заводнинг иш тартиби, ҳамда таркиби билан танишиш (ушбу корхонанинг кузатиб борувчи шахси билан биргаликда экскурсия тартибида қатнашиш).
   
5. 
   Амалиёт раҳбаридан топшириқ олиш.
   

Амалиётни ташкиллаштиришда ва уни малакали олиб боришда Университет томонидан ректорнинг буйруғи асосида тажрибали педагоглар тайинланадилар. Улар малакавий амалиёт учун зарур ишларни ташкиллаштириб, талабаларни керакли хужжатлар билан таништирадилар. Корхоналардан эса раҳбар этиб юқори малакали кадрлардан тайинланади. Корхона ва университетдан тайинланган раҳбарлар биргаликда амалиётни назорат қилиб борадилар.
Талабалар амалиёт ўтиш даврида корхона ички тартиб-қоидаларига риоя қилиши шарт ва амалга оширилган ишларни кундаликда қайд қилиб боришлари керак.