Ўзбекистон республикаси олий ва

Aniq va mavhum tafakkur

Tafakkur – aniq tafakkur va mavhum tafakkur deb ikkiga bo`linadi.Agar biz fikr yuritilayotgan narsani idrok qilsak yoki tasavvur qilsak, bu tafakkur aniq tafakkur deb ataladi.

Bizning o`zimiz shu onda turgan xonamiz to`g`risidagi muhokamalarimiz mana shunday aniq tafakkurning bir misolidir. Biz tasavvur qilishimiz mumkin bo`lgan biror daryo to`g`risidagi, biror qurilish to`g`risidagi, biror tarixiy voqealar to`g`risidagi muhokamalar ham aniq tafakkurga misol bo`la oladi.

Bu – narsalarning obrazlariga bevosita tayanuvchn tafakkurdir. Bu- yaqqol tafakkurdir.

Aniq tafakkur ham predmetliyaqqol tafakkur deb va yaqqol-obrazli tafakkur deb ikki xilga bo`linadi. Tafakkur ob`ekti bevosita idrok qilinadigan tafakkur predmetli-yaqqoltafakkur deb ataladi. O`zimiz turgan xona to`g`risidagi, biz derazadan ko`rib turgan daraxt to`g`risidagi muhokamalarimiz mana shunday predmetli-yaqqol tafakkurga misol bo`la oladi. Dars mashg`uloti vaqtida o`qituvchi biror gulning tuzilishini izohlash bilan birga shu gulni talabalarga ko`rsatayotganida o`qituvchining va talabalarning tafakkuri predmetli yaqqol ta­fakkur bo`lishi mumkin.