Ўзбекистон республикаси олий ва

Tibbiy mulkni zararsizlantirish.
Tibbiy buyumlarni zararsizlantirish OPM, kasalxona va sanitariya drujinalari yordamida va vositalarida o‘tkaziladi. Davolash muassasalari hududlarini ham vaqt – vaqti bilan zararsizlantirib turishga to‘g‘ri keladi. Davolash muassasalarida himoya komandasi tartibida zararsizlantirish ishlari olib borish uchun maxsus zveno tashkil kilingan va tayyorlangan bo‘lishi kerak. Barcha anjomlarga RM, ZM va bakteriologik vositalar tegmaydigan qilib, to‘g‘ri saqlash choralarini ko‘rish kerak. Sanitariya nosilkasi cho‘tka bilan tozalash, supirish, qoqish orqali dezaktivatsiya qilinadi. Degazatsiyalash PXS sumkasidagi xloraminning 10% li eritmasi va 1,5% li DTS- GK eritmasi bilan gidropulьt, avtomaks vositasida yoki qo‘l bilan tozalash orqali bajariladi. Sanitariya palatkalari RM ni supirish, chutka, pilesos bilan yo‘qotish orqali dezaktivatsiya qilinadi. Degazatsiyalash esa yuqoridagidek yoki uzoq vaqt shamollatish yo‘li bilan o‘tkaziladi. Asbob va boshqa metall predmetlar, shisha, chinni va plastmassa predmetlar, rezina buyumlar, SF – 2, SF – 2U, OP –10 eritmalari yoki sovun – soda eritmasi bilan yuvish orqali dezaktivatsiya qilinadi. Bintlar, doka, salfetka, paxtalar ustidagi o‘ramni ho‘l latta bilan artish va toza taraga solish yo‘li bilan dezaktivatsiya qilinadi. Bintlar, doka va salfetkalar sodaning 2%li eritmasida qaynatib yuvish bilan degazatsiya qilinadi va faqat sirtqi bog‘lamlar sifatida ishlatiladi. Paxtalar uzoq vaqt shamollatish yo‘li bilan degazatsiya qilinadi. O‘rog‘lik dori – darmonlar tara ustki o‘ramini dezaktivatsiyalash, gazsizlantiruvchi eritma bilan tarani tozalash orqali degazatsiya qilinadi. Protivogazni dezaktivatsiya qiluvchi eritma yoki suv bilan ho‘llangan latta bilan artib dezaktivatsiya qilinadi, sumkalar qoqib tozalanadi. Protivogazlarni degazatsiya qilish degazatsiyalovchi eritma bilan tozalash orqali bo‘ladi. Tozalash vaqtida eritma yoki suv protivogaz qutichasiga tushishiga yo‘l qo‘ymaslik kerak.
RM, ZM yoki bakteriologik vositalar bilan zararlangan dori-darmonlar yo‘qqilib tashlanadi. Germetik tarada saqlangan dori – darmonlarni tara to‘liq zararsizlantirilgandan so‘ng qo‘llash mumkin. Qog‘ozga uralgan dori – darmonlar va boglam materiallari radioaktiv zararlanishdan saqlanadi, ammo ZM dan saqlana olmaydi.