Ўзбекистон республикаси олий ва ўрта масус таълим вазирлиги

1.1.Ўқув фанининг мақсади ва вазифалари
«Кимёнинг махсус боблари» фанини ўқитишдан мақсад-талабаларни нефть, газ конденсати ва газларини физикавий ва кимёвий тавсифи билан; термодеструктив ва гидрогенизацион жараёнларда нефть, газ конденсати ва газларнинг углеводород таркибини ўзгариши механизми билан таништиришдир.
«Кимёнинг махсус боблари» фанини ўқитишнинг вазифаси талабаларда нефть, газ конденсати ва газларни кимёси ва физикаси бўйича назарий асос шаклланиши: келгусида ўтиладиган «нефть ва газни қайта ишлаш технологияси» фанини ўзлашириш учун назарий асос тайёрлашни таъминлашдан иборатдир.


1.2.Фан бўйича талабаларнинг билимига, кўникма ва малакасига қўйиладиган талаблар
«Кимёнинг махсус боблари» ўқув фанини ўзлаштириш жараёнида амалга ошириладиган масалалар доирасида талаба:
- нефт, газ ва газконденсатларининг элемент ва кимёвий таркиби, уларни ташкил қилган барча бирикмалар хақида тўлиқ маълумотга эга бўлиши керак;
- нефт ва газ маҳсулотларининг юқори харорат (термик крекинг, пиролиз жараёни) катализаторлар таъсирида углеводород таркибларини қандай йўналишда ўзгариш жараёнларини айтиб бериш, нефт ва газ маҳсулотлари таркибларини аниқлаш ва тозалаш усулларини мустақил бажараолиш кўникмаларига эга бўлиши керак;
- нефт, газ ва газконденсатлари ва улардан олинган маҳсулотларининг баъзи бир физик хусусиятларини лаборатория мосламалари ёрдамида аниқлаш, нефтдан олинган мотор ёқилғиси ва мойларни эксплуатация хусусиятлари хақидаги маълумотларга эга бўлиб, уларни оптималлаштиришга оид вазифаларни бажариш, тармоқнинг келгусида ривожланиш йўлларини ва шу жумладан, Ўзбекистонда ривожланиш малакаларига эга бўлиши керак;


1.3.Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвий кетма-кетлиги
«Кимёнинг махсус боблари» фани мутахассислик фанлар блокига кириб, 7 семестрда ўқитилади. Мазкур фанни ўқиш давомида талабалар ўзларининг соҳа бўйича чуқур билимга эга бўлиши, лаборатория ва амалий машғулотларни мустақил бажариш тажрибаларига эга бўлишлари ва хисоблаш усулларидан фойдалана билишлари керак. Дастурни амалга ошириш ўқув режасида режалаштирилган математик ва табиий-илмий фанлар (олий математика, информатика ва ахборот технологиялари, технологик жараёнларни моделлаштириш асослари, физика, амалий механика), умумкасбий (умумий ва анорганик кимё, органик, аналитик, физик-коллоид кимё, умумий кимёвий технология, экология), лойихалаш ва технологик курсларидан етарли билим ва ва кўникмаларга эга бўлишликни талаб этади.