Ўзбекистон республикаси олий ва ўрта маҳсус таълим вазирлиги

Бириктирувчи тўқимага суяк, пай ва тоғай тўқималари киради.
Суяк тўқимаси таянч вазифасини ўтайди. Суяклар ташкил топган асосий модда, бу – кальций тузларидир. Пайлар қайишқоқ, эгилмайдиган боғламлардир. Улар жуда мустаҳкам бўлиб, суякларни ўзаро бириктириб туради. Тоғай – қаттиқ тўқима бўлсада, лекин у мустаҳкам эмас.


V. Итларни сақлаш тартиби.
Итларни сақлаш учун хоналарни қуришда, улар у ерда вақтининг кўп қисмини ўтказишини инобатга олиш лозим. Шунинг учун хоналар бир қатор талабларга жавоб беришлари керак: итларни ёмғир, шамол, чанг, қиш совуғи ва ёз иссиғидан ҳимоя қилиш, бегона одамлар, дайди ва ёвойи ҳайвонлар ҳамда кучли шовқинлардан (ўтаётган автомобиллар ва бошқ.) химоя қилиш. Хоналар атроф ердан баландроқ ва қуруқ, одамлар яшайдиган, чорвачилик ва хўжалик қурилмалардан йироқроқ жойларда қурилиши лозим. Хоналар етарлича кенг, қуруқ, ёруқ, ҳавоси тоза бўлиши керак. Шамол, чанг ва қуёш нурлари таъсиридан ҳаддан зиёд қизиб кетишидан химоя қилиш мақсадида унинг атрофида кўкаламзорлар бўлиши мақсадга мувофиқдир.
Ит гуруҳларининг жойлаштирилиши.
Бир гуруҳ итларни сақлаш учун мўлжалланган жой юқорида айтиб ўтилган талабларга жавоб бериши керак ҳамда уни баландлиги 2 м дан кам бўлмаган девор билан ўраш лозим. Агар итлар сони кўп бўлмаса ва ер майдони кичик бўлса, деворда эшик қолдирилади, акс ҳолда дарвоза қурилади. Уларга ишончли қулф қўйилиб доим ёпиқ туришлари керак.
Итларни сақлаш учун маҳсус жойлар – кабиналарга бўлинган павильонлар қурилади. Кабина ҳар бир итга алоҳида мўлжалланган бўлиб унга усти очиқ яйраш майдонча (вольер) бирикиб туради. Кабинанинг узунлиги 2 м, эни 1,5 м, олд деворининг баландлиги 2-2,5 м, орка деворники 1,5-2 м; кабина эшигининг баландлиги 1,7 м, эни 0,7 м бўлиши лозим. Эшик ташкарига очилади. Кабинага ёруғлик тушиш учун, унинг устида ойнаванд ром қўйилади. Эшикнинг пастки қисмида, вольерга чиқиш учун, 40x50 см ли туйнук бўлиши керак. Ёзда туйнук очиқ туради, қишда эса брезент билан ёпилади.
Вольернинг узунлиги 3 м, эни 2 м, баландлиги 2,2 м бўлади. Вольерлар ораси, баландлиги 2,2 м келадиган девор билан ёпилади. Вольернинг олд қисмида эшик ясалади, унинг баландлиги 1,8 м эни 0,7 м бўлиши керак. Эшик ичкарига очилади. Ҳар бир кабина ичида будка қурилади. Будка туйнугининг ўлчамлари 40x50 см га тенг бўлиш керак. Унинг томи ясси, силлиқ бўлиши керак, чунки итлар ёз фаслида унинг устига чиқиб ётишни ёқтирадилар. Совуқ тушганда будканинг ичига сомон, ҳашак ёки ёғоч қириндисидан тўшама тўшалади. Павильонлар ғишт, тош, тахталардан қурилади. Вольерларнинг ён деворлари тахтадан, олд девори ва эшиги эса сим тўрдан ёки темир панжарадан ясалади. Агар ит қўшни вольерга сакраб ўтадиган бўлса унда девор устидан сим тўр тортилади. Кабина ва вольер поллари тахтадан ясалиши керак. Иссиқ иқлимда поллар бетон ёки пишитилган лойдан қурилиши мумкин. Бундай ҳолларда итни шамоллашдан асраш мақсадида кабиналарга 1х1,6 м катталикда ёғоч шитлар ётқизилади. Вольернинг олд томонидан, 4-5 м нарироқда, баландлиги 35-40 см келадиган устунчалар ерга кўмиб қўйилади. Уларга итлар тозаланганда боғлаб қўйилади. Устунчанинг устига диаметри 20-25 см келадиган ёғоч майдонча қокиб ўрнатилади. Унга ит тозалаш пайтида ўзининг олд оёқларини қўйиб туради. Устунчаларнинг ораси 3 м дан кам бўлмаслиги керак. Итларнинг сони кўп бўлса 250-300 м нарироқда изолятор қурилади. Итларни кўпайтириш ва ит болаларни ўстириш учун мўлжалланган питомникларда ундан ташқари туғиш, ит болалларни сақлаш, итларни ювиш ва овқат пишириш хоналари бўлади. Катта питомникларда ветеринар амбулатория ва стационар қурилади.
Туғиш хонаси туғишига 7-10 кун қолган бўғоз ва туққан қанжиқларни сақлаш учун хизмат қилади. Унингн ичида кабиналар қурилади (2,5х3 м). Кабиналарда будкалар бўлиши лозим. Ёзда будкалар вольерга чиқарилиши мумкин.