Ўзбекистон республикаси олий ва ўрта маҳсус таълим вазирлиги андижон машинасозлик институти

Қарор асосан режалаштирилган ва режалаштирилмаган турларга бўлинади. 
Режалаштирилган қарорлар такрорланувчи, илгаритдан аниқ вазиятларга тегишли бўлиб, 
уларни қабул қилишга мулохазали ѐндошиш имконияти мавжуд. Режалаштирилган 
қарорлар асосан ташқи муҳит таъсири натижасида ташкилотда шаклланувчи фавқулотдаги 
вазиятларни (муаммоларни) ҳал қилиш билан боғлиқ. Бу шароитларда мулохаза ѐки 
маслахатлашиш асосида қарор қабул қилишга имконият йўқ. Шунинг учун, бундай 
қарорларни раҳбарларнинг ўзлари қабул қиладилар. Унинг натижаси ва самарадорлиги 
раҳбар (менежер)нинг савияси, тажрибаси ва тадбиркорлик даражасини ривожланганлигига 
боғлиқ. 
Бошқариш қарорлари қуйидаги талабларга жавоб бериши керак: 
1. Ҳар қандай бошқарув қарори жиддий мақсад йўналишига эга бўлиши, пайдо 
бўлаѐтган муаммоларни ечмоғи керак. 
2. Бошқарув қарори кучга эга бўлмоғи керак. У раҳбар эга бўлган ҳуқуқ доирасида 
қабул қилинмоғи даркор. 
3. Бошқарув қарори замонавий бўлмоги керак. Қабул қилинган вақт муаммони
тараққиѐт топиш босқичига тўғри келиши лозим, қарор қабул қилишда шошма шошарлик 
ва кечикиб қолишга йўл қўймаслик керак. 
4. Қарор қарама-қарши бўлмаслиги керак, бошқа қарорлар билан келишилган бўлиши, 
шакли бўйича тушинарли, аниқ ифодаланган ва ихчам бўлиши керак. 

---

153 
5. Тўғри бошқарув қарори вазиятни барча хусусиятларини ҳисобга олган ва илмий 
ѐндашув асосида тузилган бўлмоғи, ижтимоий-иқтисодий қонунларни таъсирини ҳисобга 
олган ҳолда ва ишлаб чиқариш ахволини таҳлили асосида қабул қилиниши керак. 
6. Қарор тежамли бўлиши, яъни мақсадга эришишни энг кам ҳаражатлар эвазига
таъминлаши керак. 
7. Қарор амалга реал ошувчи бўлмоғи керак. Уни қабул қила туриб, барча объектив 
ва шахсий чекланишларни, бошқарилувчи тизимнинг аниқ имкониятларини, мавжуд 
ресурсларни ва уларни ишлатилишини реал шароитларини ҳисобга олиш керак. 
Бошқарув амалиѐтида қарорлар бир неча ишлаб чиқариш, хўжалик- иқтисодий, 
ижтимоий фаолият масалалари бўйича қабул қилинади ва улар ўзларининг ифодаланиш 
шакли, вақти бўйича, қабул қилиниш услуби билан бир биридан фарқ қиладилар. Шу 
муносабат билан улар мос равишда туркумланишни талаб қилади.