¤збекистон республикаси олий ва ¤рта махсус

       

 

---

Torkretlash ishlari.

         

Konstruksiya yuzasini siqilgan havo yordamida (torkret mashinasi bilan) sement 

qorishmasini kuch bilan puflab suvash torkretlash deb ataladi.  

Torkret  mashinasi  (sement-nushka)  dan  sement  qorishmasi  80-140  m/sek 

tezlikda  otilib  chiqib,  devorga  yopishadi,  natijada  devor  yuzidan  juda  zich  suvoq 

qatlami  hosil  bo’ladi.  Bunday  suvoq  beton  va  pishiq  Qishtli  devor  yuzalari  bilan 

jipslashib,  yaxshi  yopishish  kuchi  (yopishish  kuchi  300-500  kg/sm

2

)ga  ega  bo’ladi. 

SHuningdek 50 atm va undan ortiqroq bosimga ham bardosh bera oladi. 

Bunday suvoq bir necha qatlamda 6-10 mm qalinlikda beriladi, birinchi qatlam 

quriganida  (portlandsementdan  ishlatilsa,  bir  sutkadan  keyin,  agar  kirishmaydigan 

yoki  kengayuvchi  sement  ishlatilsa  30  mindan  kechikmasdan)  ikkinchi  qatlami 

beriladi. SHu tariqa ishni to loyihada ko’rsatilgan qalinlikdagi (masalan, 25-40 mm) 

qatlami hosil bo’lguncha olib boriladi. 

Keyingi  suvoq  qatlamini  berishdan  oldingi  suvalib  qotgan  qatlamning  yuzasi 

siqilgan  havo  bilan  puflanib,  suv  bilan  namlanib  olinadi.  Oxirgi  suvoq  qatlami 

qorishmasi  juda  mayda  qumdan  tayyorlangan  sementli  qorishmadan  3-5  mm 

qalinlikda beriladi va yuzasi silliq chiqishi uchun sement sepib temir kurakcha bilan 

ishqalab artiladi. Bunday sementli qorishma berilgan suvoq, ya’ni suvdan himoyalash 

qatlami yuqori darajada puxta bo’lgani uchun bu suvoq saqlovchi (himoya) qatlamni 

talab qilmaydi va mexanikaviy kuchlarga o’zi chidash bera oladi. 

Lekin  bunday  suvdan  himoyalash  qatlamini  bir  qancha  kamchiligi  bor: 

konstruksiya bir tekis cho’kmaydi, harorat ta’sirida deformatsiyalanadi (siqiladi yoki 

kengayadi)  yoki  dinamikaviy  ta’sirlar  natijasida  salgina  bo’lsa  ham  darz  ketadi.  Bu 

darzlar bir qancha mayda bo’lsa ham ular orqali suv o’tadi.