Ўзбекистон республикаси олий ва ўрта махсус таълим вазирлиги ўзбекистон республикаси

Анъанавий маркетинг тизими — товар тарқатиш иштирокчиларининг тўла мустақиллигига асосланган канал.
Асл истеьмолчи — аҳоли, шахс, оила, бюджет муассасалари.
Аукцион — товарларни жамоа савдосида олувчилар томонидан энг юқори белгиланган баҳода сотиш.
Акция назорат пакети — ширкат жамиятига раҳбарлик қилиш учун ҳал қилувчи овоз сонини берувчи акциялар миқдори. -расмий равишда бу пакет эллик фоиз плюс бир акцияни ташкил этиши керак, амалда эса 15—20 фоиз ва ундан ҳам кам акцияларга эга бўлиш етарли.
Абстракт эҳтиёж — кишиларда ҳали аниқ тасаввур шаклини олмаган, ноаниқ, мавҳумлик ҳарактерига эга бўлган орзуҳаваслар кўринишидаги эҳтиёж.
Банк кредити — даромадни фоиз кўринишида олиш мақсадида банк томонидан қарзга пул бериш.
Банкротлик (синиш) — корхона, фирма ёки фуқаронинг маблағ етишмаслигидан ўз мажбуриятлари бўйича қарзларни тўлашга қурби етмаслиги.
Барқарор талаб — талабнинг ўсиб, шаклланиб бўлгандан сўнг асосан бир даражада сақланиб қолиши.
Бартер — пулсиз, товарга эгалик ҳуқуқини бошқага ўтказишдан иборат товар айирбошлаш фаолияти.
Бевосита канал — товарнинг ишлаб чиқарувчидан истеъмолчигача ҳаракатида бир воситачи иштирок этадиган йўл.
Бизнес — қонуний воситалар ёрдамида даромад олиш мақсадида қилинадиган ташаббускорлик.
Биржа — мунтазам равишда амал қилувчи кўтара савдо бозорининг энг ривожланган шакли.
Бирламчи талаб — янги товарга пайдо бўладиган ва шаклланадиган дастлабки талаб. 
Бозор - 1) талаб ва таклиф учрашадиган жой, бу ерда ишлаб чиқарилган маҳсулотнинг жамоатчилик сезаётган эҳтиёжга мос келиш даражаси аниқланади, мазкур товарнинг бошқа рақобатчи товарлар билан рақобатбардошлиги таққосланади; 2) товар, хизмат ва бошқа мулк турлари билан алмашиш соҳаси; 3) истеъмолчилар гуруҳи; 4) мазкур товарнинг барча харидорлари; 5) ташкиллаштирилган савдо жойи; 6) товар ва хизматларни олиш манбаи; 7) қандайдир маҳсулот ёки хизматларнинг виртуал ёки табиий акс эттирилган мавжуд ёки потенциал харидорлари ва сотувчилари мажмуи; 8) биржа.